ჩემი მთავარი პუნქტი, საიდანაც ვიწყებთ, მოსმენაა, - ამის შესახებ საქართველოში ოფიციალური ვიზიტით მყოფმა ევროკავშირის საბჭოს პრეზიდენტის, შარლ მიშელის პირადმა წარმომადგენელმა, კრისტიან დანიელსონმა განაცხადა.

„ჩვენ ძალიან ნაყოფიერად უნდა ვიმუშავოთ ამ დღეების განმავლობაში, სრული ჩართულობით, რომ ამ მედიაციამ ნაყოფი გამოიღოს. ჩემთვის მთავარი პუნქტი, საიდანაც ვიწყებთ არის მოსმენა. დილით უკვე შევხვდი პრეზიდენტს და პრემიერ-მინისტრს, დღის განმავლობაში შევხვდები სამოქალაქო საზოგადოების წარმომადგენლებს და შემდეგ უკვე პოლიტიკური პარტიების წარმომადგენლებს. მერე ვნახავთ, როგორ შეგვიძლია ხელი შევუწყოთ, რომ პროცესი წინ წავიდეს", - განაცხადა კრისტიან დანიელსონმა.

მისი თქმით, შეხვედრების ფარგლებში განიხილება პოლიტიზირებული მართლმსაჯულებისა და საარჩევნო რეფორმის საკითხი.

„მართლმსაჯულების რეფორმა, ისევე როგორც საარჩევნო რეფორმა, პოლიტიზირებული მართლმსაჯულება, ეს ის საკითხებია, რომელზეც ჩვენ უნდა ვიმსჯელოთ, რომელიც არის განსჯის საკითხი და ზუსტად ამაზე ვიმსჯელებთ და მზად ვართ, რომ ამ საკითხებზე ვიმუშავოთ ამ დღებში“, - დასძინა მან.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ