2015-10-06 13:40:34, 485 ნახვა
პოლიტიკა
სტოლტენბერგი: რუსეთის მიერ თურქეთის საჰაერო სივრცის დარღვევები „შემთხვევითობას არ ჰგავს“
რუსული თვითმფრინავების მიერ თურქეთის საჰაერო სივრცის დარღვევები „შემთხვევითობას არ ჰგავს“ და სრულიად მიუღებელია.
ამის შესახებ ნატოს გენერალურმა მდივანმა იენს სტოლტენბერგმა განაცხადა.
მისივე თქმით, რუსეთს თურქეთის საჰაერო სივრცის დაღვევის გამო არანაირი რეალური განმარტებები არ გაუკეთებია.
აღსანიშნავია, რომ თურქეთის საგარეო უწყებამ დღეს რუსეთის ელჩი ახსნა–განმარტებისთვის განმეორებით დაიბარა.
შეგახსენებთ, რომ სირიაში მონაწილე სამხედრო ოპერაციის რუსულმა გამანადგურებლებმა თურქეთის საჰაერო სივრცე უკვე მეორედ დაარღვიეს. რუსეთს ამაზე ჯერჯერობით კომენტარი არ გაუკეთებია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
