ოკუპირებული ცხინვალის მიერ უკანონოდ დაკავებული ზაზა გახელაძის ოჯახი ე.წ. სასამართლოს განაჩენის გასაჩივრებას გეგმავს.

როგორც ჟურნალისტებთან გახელაძის მეუღლემ, ირმა ბუთხუზმა განაცხადა, ე.წ. სასამართლოს მიერ უკანონო პატიმრისთვის მრავალწლიანი განაჩენის გამოტანას არ ელოდა.

„არ ველოდი მაინც ამდენს, მოულოდნელი იყო. გასაჩივრებას ექვემდებარება და ალბათ ჩვენი და ზაზას თანხმობით ადვოკატი ამ განაჩენს გაასაჩივრებს. წინა პროცესში იყო ბევრი გარემოება, რომელიც ორივე მხარის განცხადებით, ერთმანეთს ემთხვეოდა. რუსებმა თქვეს, რომ ზაზას მიერ გასროლა განზრახ არ ყოფილა და ამის იმედი გვქონდა, თუმცა, რა მოხდა დღეს და რატომ მიიღეს ეს გადაწყვეტილება, ამის შესახებ ინფორმაცია არ გვაქვს“, - განაცხადა ირმა ბუთხუზმა.

ცნობისთვის, ოკუპირებული ცხინვალის ე.წ სასამართლომ უკანონოდ დაკავებულ ზაზა გახელაძეს 12 წლით 6 თვით პატიმრობა მიუსაჯა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს