საკანონმდებლო ორგანოს შენობასთან „ევროპული საქართველოს“ ახალგაზრდული ფრთის წარმომადგენლები საპროტესტო აქციას მართავენ.

აქციის მონაწილეების განცხადებით, ისინი ქვეყანაში რიგგარეშე არჩევნების ჩატარებას ითხოვენ. ამასთან, აქტივისტები პარლამენტში „მოქალაქეების“ წევრების, ალეკო ელისაშვილისა და ლევან იოსელიანის შესვლასაც აპროტესტებენ.

ახალგაზრდებმა საკანონმდებლო ორგანოსთან ნაგვის ურნა მიიტანეს და აღნიშნეს, რომ პარლამენტში მყოფი დეპუტატების ადგილი სანაგვეზეა.

„კიდევ ერთხელ და მრავალჯერ გავაპროტესტებთ გაყალბებულ არჩევნებს, როგორ მოგვპარა ბიძინა ივანიშვილმა ჟვანიას ხელით გაყალბებული არჩევნები. დღეს არის საგაზაფხულო სესიის პირველი სხდომა და ეს კლოუნადა, რაც დღეს საქართველოს პარლამენტში ხდება ასახავს ქვეყანაში არსებულ მოვლენებს. ალეკო ელისაშვილიც და სხვა დეპუტატებიც, ვინც პარლამენტში ოპოზიციური სპექტრიდან შევლიან, ყველას ადგილი იქნება ნაგვის ურნაში. აქ წერია „ნუ დაემსგავსები ბრუტუსს“, ამ მომენტისთვის ქართული პოლიტიკისთვის და ოპოზიციური სპექტრისთვის ალეკო ელისაშვილი არის ბრუტუსი“, - განაცხადა აქციის ერთ-ერთმა მონაწილემ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს