ივანე მაჭავარიანი: ჩვენი ანტიკრიზისული პაკეტები, იქნება ეს სოციალური თუ ბიზნესის მხარდაჭერა, საუკეთესო გამოცდილებაზეა დაყრდნობილი

2020-12-29 16:53:46, 717 ნახვა

საზოგადოება

სრული პასუხისმგებლობით გეუბნებით, რომ ჩვენი ანტიკრიზისული პაკეტები, იქნება ეს სოციალური თუ ბიზნესის მხარდაჭერა, საუკეთესო გამოცდილებაზეა დაყრდნობილი, - ამის შესახებ ფინანსთა მინისტრმა ივანე მაჭავარიამა 2021 წლის ბიუჯეტის პროექტის განხილვისას განაცხადა.

მისი თქმით, საქართველოს მიერ გადადგმული ნაბიჯები დადებითად შეაფასა საერთაშორისო სავალუტო ფონდმა.

„დარწმულებული ვარ, გავა წლები და როდესაც შეფასდება ეს პაკეტები, თუ რა ნაბიჯები გადავდგით ამ შეზღუდული რესურსის პირობებში, მას ექნება მაღალი შეფასება, ამიტომ არავის არ ჰქონდეს განცდა, რომ ჩვენ რამეს დავაკელით ან რაღაც ისეთი დახმარება გავწიეთ, რაც არალოგიკურია, თუ არის კითხვები, მზად ვართ ვიკამათოთ, დანარჩენი ყველაფერი სპეკულირებაა. შესაძლებელია გაეცნოთ სხვა ქვეყნების მაგალითებს და ნახავთ, რომ ჩვენ საკმაოდ სოლიდურად გამოვიყურებით“, - განაცხადა ივანე მაჭავარიანმა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),