ეკონომიკისა და მდგრადი განვითარების მინისტრის მოვალეობის შემსრულებელი, ნათია თურნავა ხვალ ვაჭრობის სექტორს შეხვდება და მოისმენს, გახსნის შემთხვევაში, როგორ წარიმართება რიგები სავაჭრო ობიექტებში.

აღნიშნულის შესახებ ნათია თურნავამ მთავრობის სხდომის დასრულების შემდეგ, ადმინისტრაციაში, ბრიფინგზე განაცხადა.

„იცით, რომ ჩვენი გადაწყვეტილება იყო, რომ 24-დან მოსალოდნელია შეზღუდვების შემსუბუქება, თუმცა საზოგადოებაში არის საკმაოდ არაერთგვაროვანი განწყობა, რომ ყველა ხედავს, ჩვენ უფრო მეტად ავიყვანეთ კონტროლზე მეორე ტალღის გავრცელება და ჯანდაცვის სექტორმაც შვებით ამოისუნთქა, რადგან აღარ არის დამანგრეველი ზეწოლა ჯანდაცვის სექტორზე. აქედან გამომდინარე, ძალიან ფრთხილად ვაკვირდებით ტენდენციებს, ხვალ მაქვს შეხვედრა არასასურსათო ვაჭრობის სექტორთან და მოვისმენ მათგან, თვითონ რა პასუხისმგებლობას იღებენ თავის თავზე და როგორ ხედავენ რიგების მართვის მექანიზმებს, ამის მერე კვლავ შევიკრიბებით, გვექნება მსჯელობა და მივიღებთ შესაბამის გადაწყვეტილებას“, - განაცხადა ნათია თურნავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე