"საქართველო გააგრძელებს არსებობას, იქნება ძლიერი სახელმწიფო სწორედ ასეთი ბიჭების ხარჯზე",-ამის შესახებ საქართველოს პრეზიდნეტმა გიორგი მარგველაშვილმა თბილისის საერთაშორისო აეროპორტში განაცხადა, სადაც ცოტა ხნის წინ ავღანეთში დაღუპული ქართველი სამხედრო მოსამსახურე,  ვასილ ყულჯანიშვილი,  ჩამოასვენეს.

პრეზიდენტმა დაღუპული ჯარისკაცის ოჯახის წევრებს, თანამებრძოლებსა და ქართულ საზოგადოებას მიუსამძიმრა.

"მძიმე დღეა მთელი საქართველოსთვის, მაგრამ, პირველ რიგში, მინდა მივმართო ოჯახს, მივუსამძიმრო და ვუთხრა მადლობა ასეთი გმირის გაზრდისთვის. მინდა, მივუსამძიმრო იმ ბიჭებს, რომლებიც დარჩნენ ავღანეთში და დაკარგეს თანამებრძოლი, იმ ახალგაზრდებს, ვინც აქ ვნახეთ აეროპორტში და ვუთხრა, რომ ჩვენ გვესმის მათი ტკივილის. შეიარაღებულ ძალებს მინდა ვუთხრა, რომ მადლობელი ვართ იმ დიდი სამსახურისთვის, რომელსაც ქართული არმია საქართველოსთვის გასწევს და იმ სისხლისთვის, რომელსაც ის სამშობლოსთვის ღვრის. საზოგადოებას მინდა ვუთხრა, რომ ასეთი ვაჟკაცებით ვიყავით ჩვენ ძლიერი, ვიქნებით და მომავალშიც საქართველო გააგრძელებს არსებობას, როგორც ძლიერი სახელმწიფო და ძლიერი საზოგადოება, სწორედ ასეთი ბიჭების ხარჯზე. ისინი აღარ დაიღუპებიან, ისინი გააგრძელებენ ქვეყნის შენებას",-განაცხადა გიორგი მარგველაშვილმა.

საქართველოს შეიარაღებული ძალების IV მექანიზირებული ბრიგადის 43-ე ბატალიონის პირველი კლასის რიგითი ვასილ გელას ძე ყულჯანიშვილი ავღანეთში, „მტკიცე მხარდაჭერის“ მისიის შესრულების დროს დაიღუპა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარიამ მეყანწიშვილი - არცერთმა არ აღაირა ის, რაც არ ჩაუდენიათ, თქვენთვის ვიბრძოლებ გარედან

4 ოქტომბრის საქმეზე 3 პირს პატიმრობა მიესაჯა, მეყანწიშვილს ₾5 000-ლარიანი ჯარიმა

ფასდაკლებული პროდუქტის სამთავრობო პორტალი ჩაირთო

გვარაკიძე: კვლავ მკაცრი იყო პროკურატურის პოლიტიკა ოჯახურ დანაშაულზე, ყველას პატიმრობას ვითხოვდით