პაატა ზაქარეიშვილი: სანქციები, რომლებიც რუსეთის წინააღმდეგ ხორციელდება, ეფექტურია

2015-01-29 13:21:09, 1118 ნახვა

პოლიტიკა

სანქციები, რომლებიც რუსეთის წინააღმდეგ ხორციელდება, ეფექტურია,-ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმა ევროსაბჭოში რუსეთისთვის ხმის უფლების აპრილამდე შეჩერებასა და სანქციებთან დაკავშირებით დასმულ კითხვაზე საპასუხოდ განაცხადა.

"ის, რაც ხდება მსოფლიოში, ყოვლად მიუღებელია და სანქციები, რაც რუსეთის წინააღმდეგ ხორციელდება, ეფექტურია. ამიტომ, მიმაჩნია, რომ უნდა გაგრძელდეს ეფექტურად სანქციების გამოყენება",-აღნიშნა ზაქარეიშვილმა.

კითხვაზე-რაში გამოიხატება სანქციების ეფექტურობა, ზაქარეიშვილმა ასე უპასუხა:

"მიმაჩნია, რომ რუსეთი უფრო ფიქრობს თავის ნაბიჯებზე და საზოგადოებაში ხდება გარკვეულწილად დიფერენცირება მოსაზრებებისა, რამდენად სწორია რუსული პოლიტიკა",-განაცხადა პაატა ზაქარეიშვილმა.

შეგახსენებთ, ევროსაბჭოს საპარლამენტო ასამბლეამ მიიღო გადაწყვეტილება, რუსეთის დელეგაციას ხმის უფლება აპრილამდე არ მისცეს. ცნობისთვის, ევროსაბჭომ რუსეთს ხმის უფლება ყირიმის ანექსიის გამო ჩამოართვა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან