2015-01-29 12:30:36, 1118 ნახვა
პოლიტიკა
მინდია ჯანელიძე: რუსეთის მხრიდან აგრესიული პოლიტიკის კურსი გრძელდება
რუსეთის მხრიდან აგრესიული პოლიტიკის კურსი გრძელდება,-ამის შესახებ საქართველოს თავდაცვის მინისტრმა მინდია ჯანელიძემ ევროსაბჭოში რუსეთისთვის ხმის უფლების შეჩერების გახანგრძლივებასთან დაკავშირებით დასმულ შეკითხვაზე პასუხისას განაცხადა.
მისივე განმარტებით, რუსეთი აგრესიულ პოლიტკას როგორც უკრაინის, ისე საქართველოს მიმართ აგრძელებს.
"რუსეთი განაგრძობს თავის აგრესიულ პოლიტიკას. როგორც უკრაინის მიმართულებით, ასევე საქართველოს მიმართულებით. თქვენ იცით, რომ ხელშეკრულება დაიდო აფხაზეთსა და რუსეთს შორის, ანალოგიური ხელშეკულების დადება იგეგმება სამხრეთ ოსეთსა და რუსეთის ფედერაციას შორის, შესაბამისად, რუსეთის ფედერაციის მხრიდან აგრესიული პოლიტიკის კურსი გრძელდება",-განაცხადა მინდია ჯანელიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
