„საქართველოში არასდროს დაუჭერენ მხარს რუსეთსა და ევრაზიის კავშირს“, - ამის შესახებ საქართველოს თავდაცვის მინისტრმა თინა ხიდაშელმა BBC-ის გადაცემა HARDtalk-ში განაცხადა.

წამყვანმა საქართველოს თავდაცვის მინისტრს ერთ-ერთი კვლევითი ორგანიზაციის „კავკასიის კვლევითი ცენტრის“ მიერ რამდენიმე წლის წინ საქართველოში ჩატარებული საზოგადოებრივი აზრის გამოკითხვის შედეგები შეახსენა.

გამოკითხვის თანახმად, საქართველოს მოსახლეობის მხოლოდ 65%-მა მხარი დაუჭირა საქართველოს ალიანსში ინტეგრაციას. აღნიშნულთან დაკავშირებით, თინათინ ხიდაშელმა განაცხადა, რომ ინფორმაცია არ შეესაბამება სიმართლეს, რადგან „ცენტრმა“ ბოდიში მოიხადა, კვლევის წარმოების დროს დაშვებული შეცდომის გამო.

„ინტერვიუს აღების დროს ევროკავშირი და ევრაზიული კავშირი ერთმანეთში აირია. ხალხის 65% საკმაოდ დიდი რაოდენობაა. არ არის სიმართლე, თითქოს საქართველოს მოსახლეობას არ აინტერესებს საქართველოს ნატოში ინტეგრაცია, პირიქით, ეს მათთვის ერთ-ერთი მთავარი პრიორიტეტია. უბრალოდ, ეს ხალხი თავს გრძნობს იმედგაცრუებულად, რადგან აღარ სჯერა, რომ ეს მოხდება ახლო მომავალში. საქართველოში არ შეიმჩნევა რუსეთის მომხრეთა რაოდენობის ზრდა. რაც საქართველოში ხდება, ეს არის რწმენის დაკარგვა ევროკავშირისა და ნატოს მიმართ. ეს არ ნიშნავს იმას, რომ საქართველო რუსეთის მომხრეთა რიგებში ეწერება. ეს ორი ერთმანეთისგან კარდინალურად განსხვავებული საკითხია. ჩემი თაობა, რომელიც უმთავრეს სამუშაო ძალასა და საარჩევნო მასას წარმოადგენს საქართველოში, ის ხალხია, რომლებმაც საკუთარ თავზე გამოსცადეს რუსული აგრესია, რუსული აგრესიის შესახებ მხოლოდ წიგნებში არ წაუკითხავთ და სკოლაში არ უსწავლიათ", - განაცხადა ხიდაშელმა.

საქართველოს თავდაცვის მინისტრმა გადაცემის წამყვანთან საუბრისას აღნიშნა, რომ საქართველოში თითქმის ყველა ქართულმა ოჯახმა დაკარგა ოჯახის წევრი ბოლო 25 წლის განმავლობაში, მათ რუსი ჯარისკაცები კლავდნენ. სწორედ ამიტომ, საქართველოში არასდროს დაუჭერენ მხარს რუსეთს, ევრაზიის კავშირსა თუ მსგავს ორგანიზაციებში საკუთარი ქვეყნის გაწევრიანებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი