2015-09-21 18:54:14, 533 ნახვა
პოლიტიკა
გიორგი აბაშიშვილი: „პანორამა თბილისის“ საკითხი მოქალაქეებთან დიალოგის გზით უნდა გადაწყდეს
პრეზიდენტის მრჩევლის ეკონომიკურ საკითხებში გიორგი აბაშიშვილის შეფასებით, პროექტი „პანორამა თბილისის“ საკითხი მოქალაქეებთან დიალოგის გზით უნდა გადაწყდეს.
ამის შესახებ აბაშიშვილმა ჟურნალისტებს „პანორამა თბილისთან“ დაკავშირებით საერთაშორისო ორგანიზაციების მიმართვის საკითხის კომენტირებისას განუცხადა.
„ცხადია, ეს უმნიშვნელოვანესი საკითხია. პრეზიდენტის პოზიცია არის ის, რომ მსგავსი ტიპის საკითხი უნდა გადაწყდეს მუნიციპალიტეტებისა და თვითმმართველობების მიერ, მოქალაქეებთან აქტიური დიალოგით, ჩართულობის ფონზე“, – აღნიშნა აბაშიშვილმა.
შეგახსენებთ, 13–მა საერთაშორისო ორგანიზაციამ განცხადება გაავრცელა, სადაც ნათქვამია, რომ პროექტი „პანორამა თბილისი“ არ უნდა განხორციელდეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
