„კარტოგრაფების საქმე კი არა, ეს არის სახელმწიფოს ღალატის საქმე. ეს არის დავით გარეჯის საკითხი“, - ამის შესახებ საქართველოს თავდაცვის მინისტრმა ირაკლი ღარიბაშვილმა „ქართულ არხზე“ გადაცემაში „კიდობანი“ განაცხადა.

მან კომისიის მუშაობის სპეციფიკასთან დაკავშირებით განმარტება გააკეთა:

„უწყებათაშორისი სახელმწიფო კომისია, რომელიც მეორე სახელმწიფოს კომისიასთან მუშაობს და აწარმოებს მოლაპარაკებებს იქმნება უმაღლესი ხელისუფალის მიერ. იმ შემთხვევაში იყო პრეზიდენტის მიერ შექმნილი, ჯერ კიდევ შევარდნაძის დროს, სააკაშვილმა შემდეგ განაახლა... კომისიამ შეათანხმა დაახლოებით 66% შეუთანხმებელი საზღვრის. მას შემდეგ, რაც 100% იქნება შეთანხმებული საზღვრების, ამის შემდეგ მიდის მთავრობაში, პრეზიდენტი აწერს ხელს და უგზავნის პარლამენტს, რომ მოახდინოს რატიფიცირება. მიდის აქ ხმაური, კომისიამ რა შეათანხმა, არაფერი შეთანხმებული არ არის... ეს არის ტყუილი, რადგან კომისიამ შეათანხმა, ვისთან? მეორე მხარესთან - აზერბაიჯანთან, ხელმოწერებით. ეს მოგონილი ხომ არ არის? აქედან გამომდინარე, ეს არის კიდევ ერთი მცდელობა, რომ ტყუილ-მართალი აურიონ, მცდარი დისკურსი შემოიტანონ საზოგადოებაში, ხალხი დააბნიონ, რომ რა რუკები, კარტოგრაფების საქმე. კარტოგრაფების საქმე კი არა, ეს არის სახელმწიფოს ღალატის საქმე. ეს არის დავით გარეჯის საკითხი“, - განაცხადა ირაკლი ღარიბაშვილმა.

ავტორი: ექსპრესნიუსი,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით