საქართველოს საგარეო საქმეთა მინისტრის, დავით ზალკალიანის განცხადებით, სომხეთსა და აზერბაიჯანს შორის ვითარების შემდგომი ესკალაცია ძალიან ნეგატიურ გავლენას იქონიებს მთლიან რეგიონზე.

მინისტრმა კიდევ ერთხელ მოუწოდა საერთაშორისო თანამეგობრობასა და მინსკის ჯგუფის თანათავმჯდომარეებს, მაქსიმალურად გამოიყენონ მათ ხელთ არსებული ყველა შესაძლებლობა ვითარების დეესაკალაცისთვის.

„მოგეხსენებათ, აზერბაიჯანსა და სომხეთს შორის დაპირისპირების შედეგად შექმნილია უაღრესად ცუდი ვითარება. სამწუხაროდ, საომარი მოქმედებების გამო ვერ ხერხდება დიალოგის განახლება. ყველას კარგად გვესმის, რომ ვითარების შემდგომი ესკალაცია უაღრესად ნეგატიურ გავლენას იქონიებს მთელი რეგიონის უსაფრთხოებაზე. კვლაც მოვუწოდებთ საერთაშორისო თანამეგობრობას, მინსკის ჯგუფის თანათავმჯდომარეებს და საერთაშორისო აქტორებს, მაქსიმალურად გამოიყენონ თავის შესაძლებლობები დეესკალაციის მიმართულებით გადაიდგას კონკრეტული ნაბიჯები. ჩვენ ვმოქმედებდით, ვმოქმედებთ და მომავალშიც ვიმოქმედებთ ჩვენი კეთილმეზობლური ურთიერთობებიდან გამომდინარე და საქართველო ყოველთვის იყო და არის ერთგული ჩვენი ვალდებულებების, როგორც ჩვენი მეზობლების მიმართ, ისე საერთაშორისოდ აღებული ვალდებულებების.

აზერბაიჯანსა და სომხეთს შორის მიმდინარე სამხედრო მოქმედებების გამო, საქართველოს მთავრობამ ესკალაციის დაწყებისთანავე გადადგა მნიშვნელოვანი ქმედითი ნაბიჯები. ერთ-ერთი მნიშვნელოვანი ნაბიჯი ამ მიმართულებით გახლდათ ის, რომ დროებით შეაჩერა ნებართვების გაცემა საკუთარ ტერიტორიაზე სახმელეთო და საჰაერო მარშრუტებით სამხედრო ტვირთების გატარებაზე ორივე ქვეყნის მიმართულებით. ამის თაობაზე ჩვენი პარტნიორები ინფორმირებულები იყვნენ. ჩვენ მუდმივად ვართ მათთან კონტაქტზე და ყველა ქმედების შესახებ, რაც არის მიღებული საქართველოს ხელისუფლების მხრიდან ისინი იყვნენ ინფორმირებულები.

რაც შეეხება ნებისმიერი სხვა საერთაშორისო სატრანზიტო გადაზიდვებთან დაკავშირებით ქართული მხარე სრულიად ასრულებს საერთაშორისო ვალდებულებებს და ჩვენ ვიქნებით მომავალშიც ერთგული ამ საერთაშორისო ვალდებულების“, - განაცხადა დავით ზალკალიანმა.

ავტორი: ექსპრესნიუსი,

სოციალური ქსელები

ბოჭორიშვილი: ნაურუს მიერ მიღებული გადაწყვეტილება აფხაზეთისა და სამხრეთ ოსეთთან დიპლომატიური ურთიერთობების გაწყვეტის შესახებ, საქართველოს არაღიარების პოლიტიკის მნიშვნელოვანი გამარჯვებაა

საქართველოს ბანკის ფინანსური განათლების ეკოსისტემა - ინიციატივა, რომელიც ფინანსურ განათლებას ყველა თაობისთვის ხელმისაწვდომს ხდის

დუროვმა რუსეთში ტერორიზმის ხელშეწყობაში ბრალს ფოტოთი უპასუხა

ბერძენიშვილი: საზოგადოებრივი მაუწყებლის თანამშრომლებს არ აქვთ უფლება, სოციალურ მედიაში საკუთარი აზრი გამოხატონ