საქართველოს პრეზიდენტმა, სალომე ზურაბიშვილმა აზერბაიჯანსა და სომხეთს ცეცხლის შეწყვეტისა და დეესკალაციისკენ მოუწოდა.

მისი თქმით, საქართველოს, აზერბაიჯანისა და სომხეთის საერთო ინტერესია, რეგიონისთვის მშვიდობის დაბრუნება.

„მე მინდა როგორც საქართველოს პრეზიდენტის, მაგრამ ამასთანავე ქართველი საზოგადოების სახელით გამოვთქვა ღრმა მწუხარება იმ მსხვერპლის გამო, რომელიც მეზობელ ქვეყნებს შორის არსებულ კონფლიქტს მოჰყვა. მინდა მივმართო ჩვენი მეგობარი ქვეყნების პრეზიდენტებს, რათა რაც შეიძლება სწრაფად მოხდეს მათ შორის დიალოგი. მინდა მათ მოვუწოდო დეესკალაციისკენ და ცეცხლის შეწყვეტისკენ. ესაა ჩვენი სამივე ქვეყნის მთავარი საერთო ინტერესი, რათა ჩვენ დავუბრუნოთ ამ რეგიონს სტაბილურობა და მშვიდობა. ეს არის ჩვენი ერთობლივი მონაპოვარი და ეს არის ის, რასაც ერთობლივად უნდა გავუფრთხილდეთ. მინდა მივმართო მინსკის ჯგუფს, რომელსაც აქვს განსაკუთრებული პასუხისმგებლობა ამ კონფლიქტის მიმართ და მის თანათავმჯდომარეებს. მინდა მივმართო ევროკავშირს, რათა თავისი ძალები სიტუაციის დეესკალაციისთვის გამოიყენოს“, - განაცხადა პრეზიდენტმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ბოჭორიშვილი: ნაურუს მიერ მიღებული გადაწყვეტილება აფხაზეთისა და სამხრეთ ოსეთთან დიპლომატიური ურთიერთობების გაწყვეტის შესახებ, საქართველოს არაღიარების პოლიტიკის მნიშვნელოვანი გამარჯვებაა

საქართველოს ბანკის ფინანსური განათლების ეკოსისტემა - ინიციატივა, რომელიც ფინანსურ განათლებას ყველა თაობისთვის ხელმისაწვდომს ხდის

დუროვმა რუსეთში ტერორიზმის ხელშეწყობაში ბრალს ფოტოთი უპასუხა

ბერძენიშვილი: საზოგადოებრივი მაუწყებლის თანამშრომლებს არ აქვთ უფლება, სოციალურ მედიაში საკუთარი აზრი გამოხატონ