„გიგი უგულავა ისეთივე უდანაშაულოა ან ისეთივე დამნაშავეა, როგორიც იყო გუშინწინ“, – ასე გამოეხმაურა პარლამენტის თავჯდომარე დავით უსუფაშვილი გიგი უგულავას საქმეზე საკონსტიტუციო სასამართლოს გადაწყვეტილებას. 

უსუფაშვილის თქმით, საკონსტიტუციო სასამართლომ კანონის კონსტიტუციურობასთან დაკავშრებით იმსჯელა და არა ვინმეს ბრალეულობაზე. 
 
„საკონსტიტუციო სასამართლომ იმსჯელა იმ კანონის კონსტიტუციურობის თაობაზე, რომელიც წინა მოწვევის პარლამენტმა მიიღო „ნაციონალური მოძრაობის“ ხელისუფლებაში ყოფნის დროს. სასამართლომ იმ კანონის გარკვეულ მუხლებზე თქვა, რომ არის არაკონსტიტუციური. ამასთანავე ამ კანონის შეცვლასთან დაკავშირებით არ შემოსულა არანაირი ინიციატივა არც ამ მოწვევის და არც წინა მოწვევის პარლამენტებში. ასე რომ ჩვენი ოპოზიციონერი კოლეგები, რომლებიც დღეს სხვანაირად წარმოაჩენენ ამ თემას, მინდა რომ ყველასთვის ნათელი იყოს. მოპასუხე სასამართლოში იყო პარლამენტი, იმიტომ, რომ ჩვენ ვართ სამართალმემკვიდრე ყველა დღემდე არსებული პარლამენტებისა და მოქმედ კანონმდებლობაზე ჩვენ ვართ პასუხისმგებელი.
შემდეგი ასევე ძალიან მნიშვნელოვანი საკითხი, როგორც გითხარით, საკონსტიტუციო სასამართლო მსჯელობს კანონის კონსტიტუციურობაზე და შემდგომ დანარჩენი სახელმწიფო სტრუქტურები იღებენ სათანადო გადაწყვეტილებებს. ჩვენ, პარლამენტს, მოგვიწევს ამ თემაზე მუშაობა მას შემდეგ რაც ვნახავთ საკონსტიტუციო სასამართლოს გადაწყვეტილებას.
აქ მინდა კიდევ ერთ თემას შევეხო: მიუხედავად ჩემი მცდელობისა, საქართველოს პარლამენტს - მთავარ მოპასუხეს ჯერ კიდევ არა აქვს სასამართლოს სრული გადაწყვეტილება. გამოცხადდა სარეზოლუციო ნაწილი, განმარტებები კეთდება, ხოლო გადაწყვეტილება, რასაც ქვია თავისი სამოტივაციო ნაწილით და დასაბუთებით, თუ რა იმსჯელა და როგორ იმსჯელა სასამართლომ, გვპირდებიან, რომ დღეს საღამოს იქნება", – აღნიშნა უსუფაშვილმა. 

 ცნობისთვის, საქართველოს საკონსტიტუციო სასამართლომ დედაქალაქის ყოფილი მერის, გიგი უგულავას სარჩელი ნაწილობრივ დააკმაყოფილა. შესაბამისი გადაწყვეტილება საქართველოს საკონსტიტუციო სასამართლოს თავმჯდომარემ, გიორგი პაპუაშვილმა გუშინ გამოაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი