სოხუმის დაცემის დღიდან 27 წელი შესრულდა. საბრძოლო მოქმედებების დროს გურიის რეგიონიდან ორმოცი ჯარისკაცი დაიღუპა, ხოლო, სამი მებრძოლი უგზო-უკვლოდ დაიკარგა.

ამ თარიღთან დაკავშირებით, ,,ქართული ოცნების" ოზურგეთის, ლანჩხუთის და ჩოხატაურის მაჟორიტარი დეპუტატობის კანდიდატმა  ვასილ ჩიგოგიძემ და ოზურგეთის შტაბის წევრებმა გმირთა მემორიალი ყვავილებით შეამკეს, პატივი მიაგეს გმირების ხსოვნას.

„ ჩვენ, დღეს კიდევ ერთხელ გავიხსენეთ ჩვენი საამაყო გმირები და პატივი მივაგეთ მათ ხსოვნას.  სწორედ ასეთი გმირების თავდადება იქცა მომავალი თაობების ნამდვილ მაგალითად, მათი თავგანწირვა გვახსოვს და ყოველთვის გვემახსოვრება.  27 სექტემბერი ჩვენი ქვეყნის ისტორიაში  ტრაგიკული ფურცელია", აღნიშნა ვასილ ჩიგოგიძემ.

დღესვე, კანდიდატი საქართველოს ეროვნული გმირის, ზაზა დამენიას დედას, რუსეთ-საქართველოს ომში დაღუპული გმირის თემურ ჭიტაძისა და სამსახურეობრივი მოვალეობის შესრულების დროს გარდაცვლილი პოლიციელის, სეფერთელაძე ნუკრის ოჯახებს ესტუმრა.

„მინდა ამ ადამიანებს მაქსიმალური მხარდაჭერა გამოვუცხადო, მივუსამძიმრო და თანავუგრძნო. ჩვენი გუნდი ყოველთვის იქნება თითოეული მათგანის გვერდით", - ვასილ ჩიგოგიძე.  

ავტორი: NS (სტატია დაფინანსებულია),

სოციალური ქსელები

კობახიძემ თინათინ რუხაძის და მისი მოადგილის გათავისუფლების შესახებ ბრძანება გამოსცა

სუს-მა ცეცხლსასროლი იარაღისა და საბრძოლო მასალის მართლსაწინააღმდეგო გასაღების ფაქტზე უცხო ქვეყნის მსხვილი კრიმინალური დაჯგუფების სამი წევრი დააკა

საგარეო მიესალმება ნაურუს მიერ ოკუპირებულ ცხინვალთან და აფხაზეთთან დიპლომატიური ურთიერთობების გაუქმებას

კუპრაძე - არაბული ინვესტიციები, რეალურად, არ არსებობს