დედაქალაქის მერის, კახა კალაძის განცხადებით, ყვითელი ავტობუსები, რომლებიც მგზავრებისთვის პრობლემას წარმოადგენს, ძალიან მალე ჩანაცვლდება.

როგორ კალაძემ მერიის დღევანდელ სხდომაზე განაცხადა, ამ მიმართულებით კონკრეტული ნაბიჯები უკვე გადადგმულია, რათა საზოგადოებრივი ტრანსპორტის პარკი მთლიანად იყოს განახლებული.

„სატრანსპორტო პოლიტიკა ჩვენთვის ერთ-ერთი უმნიშვნელოვანესი პრიორიტეტია. სატრანსპორტო პოლიტიკა შედგება ძალიან ბევრი კომპონენტისგან. ჩვენ ამ მიმართულებით გადავდგით კონკრეტული ნაბიჯები იმისთვის, რომ არსებული საზოგადოებრივი ტრანსპორტის პარკი მთლიანად იყოს განახლებული, მოწესრიგებული და პროცესი უკვე დაწყებულია, თუმცა ჯერ დასრულებული არ არის. ძალიან მალე მთლიანად გვექნება ჩანაცვლებული არსებული ყვითელი ავტობუსები, რომლებიც პრობლემას წარმოადგენს მგზავრებისთვის და ქალაქისთვის, მაგრამ ჩვენ როგორც მოგეცით პირობა ეს პრობლემა ძალიან მალე იქნება მოგვარებული“, - განაცხადა კახა კალაძემ.

ავტორი: ექსპრესნიუსი,

სოციალური ქსელები

ერთიანი ნაციონალური მოძრაობის ყრილობა 5 აგვისტოს გაიმართება

საქართველოს ბანკის მხარდაჭერით ქუთაისის ტექნოლოგიურ ჰაბში TUMO Kutaisi ცენტრი გაიხსნა

ფაშინიანი: სომხეთმა რუსეთს, შესაძლოა, რკინიგზის იჯარის სახით 2 მილიარდი მოსთხოვოს

ტუსკი რუსულ რაკეტაზე: არ არსებობს საფუძველი ვიფიქროთ, რომ პოლონეთი იყო სამიზნე