2015-08-29 10:34:34, 879 ნახვა
სამართალი
შს მინისტრის ყოფილი მოადგილე ლევან გვაზავა დაჭრეს
ოქროყანაში მომხდარი ინციდენტის შედეგად მოკლულია ერთი და დაჭრილია ერთი პირი.
დაჭრილი შინაგან საქმეთა მინისტრის ყოფილი მოადგილე, გენერალ-მაიორი ლევან გვაზავაა. ის ამჟამად არასამთავრობო ორგანიზაცია "სამართალდამცველთა ლიგის" წევრია.
დაჭრილი ინგოროყვას კლინიკაშია გადაყვანილი. პროკურატურის ინფორმაციით, გარდაცვლილი მამაკაცი რეზო კალომლეწავია.
გამოძიება სისხლის სამართლის საქმეზე განზრახ მკვლელობის და ცეცხლსასროლი იარაღის უკანონოდ შეძენა-შენახვის ფაქტზე მიმდინარეობს, საქართველოს სისხლის სამართლის კოდექსის 108-ე და 236-ე მუხლის მეორე და მესამე ნაწილით გათვალისწინებული დანაშაულის ნიშნებით.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
