ჯანდაცვის კომიტეტის სხდომაზე, სადაც საგანგებო მდგომარეობის გამოცხადების გარეშე შეზრუდვების შენარჩუნების შესახებ მთავრობის ახალ კანონპროექტს განიხილავენ, დამოუკიდებელი დეპუტატი ლევან კობერიძე და ადამიანის უფლებათა დაცვის კომიტეტის თავმჯდომარე სოფი კილაძე ერთმანეთს დაუპირისპირდნენ.

დეპუტატებს შორის დაპირისპირების მიზეზი სოფიო კილაძის ფრაზა გახდა, რომელმაც  ლევან კობერიძეს ასე მიმართა: „ნამუსი არ გაქვს“.

რაზეც კობერიძემ უპასუხა: „ნამუსი არ გაქვს“, რა მიმართვაა? მგონი შეურაცხყოფა შენთვის არ მომიყენებია, ნამუსი შენსკენ მოიკითხე, რას ნიშნავს, ნამუსი არ მაქვს. ცოტა დაუწიე ტონს! ადამიანის უფლებების დაცვის კომიტეტის თავმჯდომარე ხარ და ადამიანს შეურაცხყოფას ასე ადვილად ნუ აყენებ“, - მიმართა კილაძეს კობერიძემ.

სოფო კილაძემ ლევან კობერიძეს მიმართა, რომ მას სკანდალის მოწყობა სურს.

„სკანდალი გინდა ეტყობა და მიკროფონი ჩართე, რომ კოლეგისთვის შეურაცხყოფა მიგეყენებინა. ყოველ დღე აქ ვარ და შენგან განსხვავებით, საქმესაც ვაკეთებ“, - მიმართა კილაძემ კობერიძეს.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს