მედიაში გავრცელებულ ინფორმაციასთან დაკავშირებით, რომელიც საკარანტინო სივრცეში მყოფი პირების საკვებისმიერ მოწამლვას ეხებოდა აჭარის ჯანმრთელობისა და სოციალური დაცვის მინისტრის პირველმა მოადგილემ, ნინო ნიჟარაძემ დამატებითი განმარტება გააკეთა.

მისი თქმით, აღნიშნული კორონავირუსისთვის დამახასიათებელი სიმპტომებია, თუმცა პაციენტებს კოვიდ-19 არ დაუდასტურდათ.

„ორი დღის წინ ერთ-ერთი საკარანტინო სივრციდან მუცლის ტკივილისა და დიარეის ნიშნებით ორი პაციენტი სასწრაფო სამედიცინო დახმარების ბრიგადის მიერ გადაყვანილი იქნა ცხელების კლინიკა „მედემერჯნსში“. რადგან კარანტინი არის დახურული ორგანიზებული სივრცე და ეს კლინიკური ნიშნები დამახასიათებელია კორონავირუსისთვის, ამიტომ მიზანშეწონილად ჩაითვალა გარდა აღნიშნული 2 პირისა, ამავე საკარანტინო სივრცეში აღრიცხული პირებისაგან გამოყოფილიყო ის პირებიც, რომელთაც 14 დღის განმავლობაში აღენიშნებოდა ერთჯერადად გამოხატული მცირე, ელემენტარული სახის ჩივილი და ჩატარებულიყო მათი კოვიდ ინფექციაზე დიაგნოსტიკური კვლევა. კლინიკაში მყოფ ორ და დამატებით 45 პირს კორონავირუსი არ დაუდასტურდა. ზოგადად კვლევა კარანტინის დატოვებამდე ყველა იმ პირს უტარდება, თუ ერთჯერადად აღენიშნება კოვიდისთვის დამახასიათებელი რაიმე სახის ჩივილი. ამ შემთხვევაშიც ასე მოხდა. რადგან ამ პირების კარანტინში ყოფნის პერიოდი ამოიწურა და მათ არ აქვთ კორონავირუსი, გუშინ ყველა მათგანი სახლში გაემგზავრა. ეს არ არის უჩვეულო შემთხვევა და ჩვენ ყველა საეჭვო სიმპტომს აქამდეც და მომავალშიც ლაბორატორიულად შევამოწმებთ“, - განაცხადა მინისტრის მოადგილემ.

ავტორი: NS (სტატია დაფინანსებულია),

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ