საგანგებო მდგომარეობა და საკომენდატო საათი ვრცელდება ნებისმიერ სივრცეში და ყველაზე, არანაირი „მაგრამ“ არ განიხილება, - ამის შესახებ დედაქალაქის მერმა, კახა კალაძემ ვიდეომიმართვისას განაცხადა.

მისი თქმით, აღნიშნული გადაწყვეტილებები მიღებულია ისევ და ისევ ჩვენი ჯანმრთელობისათვის.

„იცით, რომ არის საგანგებო მდგომარეობა, საკომენდანტო საათი და ეს ვრცელდება ყველა სივრცეში, ნებისმიერი ადგილზე, ნებისმიერ ადამიანზე და არანაირი „მაგრამ“ ამ შემთხვევაში არ განიხილება, ეს არც უნდა გახდეს მსჯელობის საგანი. ვინც დაარღვევს წესებს, ამას მოჰყვება შესაბამისი რეაგირება.

მე მესმის, რომ რა თქმა უნდა, ძალიან რთულია ასე ცხოვრება, ძალიან გვიჭირს ყველას, მაგრამ ყველა ხომ ძალიან კარგად ვხვდებით, რატომ არის ეს გადაწყვეტილებები მიღებული - ისევ და ისევ ჩვენი ჯანმრთელობის უსაფრთხოებიდან გამომდინარე, ისევ და ისევ, რომ დავიცვათ ერთმანეთი, რომ გავუფრთხილდეთ ჩვენს შვილებს, მშობლებს, ბებიებს, ბაბუებს. აქ ხომ საუბარია ყველაზე ძვირფასზე, რაც გაგვაჩნია, ეს არის ადამიანის სიცოცხლე“, - განაცხადა კახა კალაძემ.  

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ