ქვეყანაში კორონავირუსთან არსებული ვითარების მიუხედავად, შუახევში ინფრასტრუქტურული პროექტები შეუფერხებლად მიმდინარეობს. 

შუახევის მერმა ფრიდონ ფუტკარაძემ, მოადგილე ომარ ტაკიძესთან ერთად ფურტიოს ბაგა-ბაღის ეზოს კეთილმოწყობითი სამუშაოები დაათვალიერა და პანდემიის ფონზე დასაქმებულთა უსაფრთხოების საკითხით დაინტერესდა.

სამუშაოებს, ყველა რეკომენდაციის დაცვით, შპს ,,თამუნა" ახორციელებს და პროექტის სახელშეკრულებო ღირებულება 43 599 ლარია. პროექტი ითვალისწინებს საყრდენი კედლის, სანიაღვრე არხის, ლითონის მოაჯირის, დეკორატიული ბილიკებისა და ხელოვნური საფარის მოწყობას. მოედნის აღიჭურვება ატრაქციონებით. 

,, არსებული პროექტის განხორციელება ბაგა-ბაღის აღსაზრდელებისთვის დასასვენებელი და გასართობი სივრცის არარსებობის გამო მივიღეთ. განახლებული ინფრასტრუქტურით მალე 52 აღსაზრდელი ისარგებლებს. პანდემიასთან დაკავშირებით მშენებლობებზე, მაქსიმალურად დაცულია უსაფრთხოების ნორმები და რეკომენდაციები“-აღნიშნა ფრიდონ ფუტკარაძემ. 

ხელმძღვანელმა პირებმა, დღესვე ფურტიოში მიმდინარე მეწყერსაწინააღმდეგო სამუშაოები დაათვალიერეს. უახლოეს დღეებში ფურტიოში შიდა სასოფლო გზებზე ბეტონის საფარის და სოფლის ცენტრის კეთილმოწყობითი სამუშაოები დაიწყება.

ავტორი: NS (სტატია დაფინანსებულია),

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი