საქართველოს საგარეო საქმეთა მინისტრის პირველმა მოადგილემ დავით დონდუამ საქართველოში ბრაზილიის ფედერაციული რესპუბლიკის საგანგებო და სრულუფლებიანი ელჩის კარლოს ალბერტო ლოპეს ასფორას საქმიანობის ვადის ამოწურვასთან დაკავშირებით გამოსამშვიდობებელ საღამოს უმასპინძლა.

საგარეო უწყების ინფორმაციით, დავით დონდუამ ელჩს გაწეული საქმიანობისა და მისი მოღვაწეობის პერიოდში ორ ქვეყანას შორის ურთიერთობების გაღრმავებაში შეტანილი წვლილისათვის მადლობა გადაუხადა. საქართველოს საგარეო საქმეთა მინისტრის პირველმა მოადგილემ ელჩს სამახსოვრო საჩუქარი გადასცა.

გამოსამშვიდობებელ ვახშამს საქართველოში აკრედიტებული დიპლომატიური კორპუსის წარმომადგენლები ესწრებოდნენ. კარლოს ალბერტო ლოპეს ასფორა საქართველოში 2012 წლიდან მოღვაწეობს. თბილისში მას სისერო მარტინს გარსია ჩაანაცვლებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს