2015-07-29 11:38:42, 696 ნახვა
საზოგადოება
მომდევნო სამი დღის განმავლობაში, საქართველოს მასშტაბით მაღალი ტემპერატურა შენარჩუნდება
„მომდევნო სამი დღის განმავლობაში მთელი საქართველოს მასშტაბით უნალექო და ცხელი ამინდი შენარჩუნდება“, - ამის შესახებ „ექსპრესნიუსს“ ამინდის გრძელვადიანი პროგნოზირების სამსახურის უფროსმა ხათუნა ქოქოსაძემ განუცხადა.
მისივე ინფორმაციით, 2 აგვისტოს დასავლეთ საქართველოში ტემპერატურა დაიკლებს და ოდნავ აგრილდება, თუმცა 3 აგვისტოდან კვლავ მაღალი ტემპერატურაა მოსალოდნელი.
„დასავლეთ და აღმოსავლეთ საქართველოში უნალექო და ცხელი ამინდი შენარჩუნდება. 2 აგვისტოდან დასავლეთ საქართველოში ტემპერატურა მცირედით დაიკლებს, შესაძლებელია ზოგიერთ რაიონში ხანმოკლე წვიმა. სამი აგვისტოდან საქართველოს მასშტაბით ტემპერატურა ისევ მოიმატებს“, - განუცხადა „ექსპრესნიუსს“ ხათუნა ქოქოსაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
