თბილისის საკრებულოს შენობასთან ისევ ხმაურია.

ადგილზე ოპოზიციის ლიდერები, მათი მხარდამჭერები და სამოქალაქო აქტივისტები არიან შეკრებილი.

როგორც ისინი აცხადებენ, „ნაციონალური მოძრაობის“ წევრის, ლევან ხაბეიშვილის ცემის შემდეგ, მმართველი გუნდის დეპუტატებს ამ შენობაში საქმიანობის გაგრძელების მორალური უფლება არ აქვთ.

ოპოზიციის წარმომადგენლებმა შენობაში შესვლა სცადეს, თუმცა ადგილზე მობილიზებული სამართალდამცველები მათ ამის საშუალებას არ აძლევენ.

„როგორც იცით, პარლამენტის წევრს კანონით უფლება აქვს შევიდეს ნებისმიერ საჯარო დაწესებულაბში, მაგრამ ციხე-სიმაგრედ არის ქცეული დღეს საკრებულო. ყველა შესასვლელში გვეუბნებიან, რომ სხვა შესასვლელიდან შეგვიშვებენ, თუმცა არ გვიშვებენ. ივანიშილი ემალება ხალხს, იმიტომ რომ იცის, მისი პოლიტიკური დასასრული გარდაუვალია. მე როგორც პარლამენტის წევრი, ვითხოვთ შევხვდე საკრებულოს თამჯდომარეს და მოვისმინო, რა ღონისძიებების გატარებას აპირებს „ქართული ოცნება“ მოძალადე დეპუტატებთან მიმართებაში“, - განაცხადა „ნაიცონალური მოძრაობის“ ერთ-ერთმა ლიდერმა სალომე სამადაშვილმა.

აქციის მონაწილეებს ადგილზე მიტანილი აქვთ სტიკერები წარწერით - „მოძალადე“. სტიკერებზე „ქართული ოცნების“ იმ დეპუტატების ფოტოებია გამოსახული, რომლებიც ხაბეიშვილს ფიზიკურად გაუსწორდნენ.

შეგახსენებთ, 24 იანვარს თბილისის საკრებულოს სპორტის, განათლებისა და სარევიზიო კომისიის გაერთიანებულ სხდომაზე კამათი ფიზიკურ დაპირისპირებაში გადაიზარდა. „ქართული ოცნების“ დეპუტატები „ნაციონალური მოძრაობის“ წევრ ლევან ხაბეიშვილს მმართველი გუნდის მიმართ გაკეთებული განცხადებების გამო, ფიზიკურად გაუსწორდნენ. ფაქტზე შინაგან საქმეთა სამინისტრომ გამოძიება 126-ე მუხლით დაიწყო, რაც ძალადობას გულისხმობს.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ