ირანში, უკრაინული თვითმფრინავის ჩამოგდების ბრალდებით რამდენიმე პირი დააკავაეს

2020-01-14 13:06:39, 2019 ნახვა

პოლიტიკა

ირანში, უკრაინის საერთაშორისო ავიახაზების თვითმფრინავის ჩამოგდებაში ბრალდებული რამდენიმე პირი დააკავეს. ამის შესახებ „როიტერი“ ირანის სასამართლო ხელისუფლების წარმომადგენლის, გოლამჰოსეინ ისმაილის განცხადებაზე დაყრდნობით იუწყება.

მედიის ცნობით, დაკავებული ირანელი სამხედროების რაოდენობა და ვინაობა უცნობია. ამ დროისთვის, მომხდარის შესახებ სხვა დეტალები ასევე არ ვრცელდება.

შეგახსენებთ, რომ უკრაინის საერთაშორისო ავიახაზების კუთვნილი ბოინგ 737-ის ტიპის თვითმფრინავი, რომელიც რეისს კიევის მიმართულებით ასრულებდა, აფრენიდან ორ წუთში ჩამოვარდა. შემთხვევის შედეგად 180-მდე პირი დაიღუპა. მოგვიანებით, ირანის ისლამური რესპუბლიკის პრეზიდენტმა, ჰასან რუჰანმა განცხადება გაავრცელა და აღნიშნა, რომ უკრაინული თვითმფრინავი ირანმა შეცდომით ჩამოაგდო.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან