აშშ-ის პრეზიდენტი დონალდ ტრამპი ირანში გამართულ ანტისამთავრობო აქციას სოციალურ ქსელში გამოეხმაურა. მან მიმართა ირანელ ხალხს, როგორც ინგლისურ, ასევე სპარსულ ენებზე:

"მამაც, ტანჯულ ირანელ ხალხს: ჩემი პრეზიდენტობის დასაწყისიდან თქვენს გვერდით ვდგავარ და ჩემი ადმინისტრაცია თქვენს მხარდაჭერას გააგრძელებს. ჩვენ თქვენს საპროტესტო აქციებს ახლოდან ვაკვირდებით და თქვენი გამბედაობით შთაგონებულები ვართ. ირანის მთავრობამ უნდა დაუშვას ადამიანის უფლებათა ჯგუფები რათა დააკვირდნენ და გადმოგვცენ ფაქტები ადგილზე მიმდინარე პროტესტიდან. მშვიდობიანი მომიტინგეების ხოცვა-ჟლეტა აღარ უნდა განმეორდეს, არც ინტერნეტის გათიშვა. მსოფლიო გიყურებთ." წერს დონალდ ტრამპი.

ირანის პოლიციამ თეირანში, ერთ-ერთ უნივერსიტეტთან გამართული ანტისამთავრობო აქცია დაშალა, – აღნიშნულ ინფორმაციას „ფრანს 24“ ირანულ მედიაზე დაყრდნობით ავრცელებს.

აქცია Amir Kabir-ისა და Sharif-ის ასობით სტუდენტმა ირანის უზენაესი ლიდერის, აიათოლა ალი ხამენეის საწინააღმდეგოდ გამართა. აქციის მონაწილეები თვითმფრინავის ჩამოგდებასა და ირანის მიერ ამ ინფორმაციის 4 დღის განმავლობაში დამალვას აპროტესტებდნენ.
ირანული მედიის ინფორმაციით, თავდაპირველად სხვადასხვა უნივერსიტეტის სტუდენტები შეიკრიბნენ, რომლებიც დაღუპულებისადმი პატივისცემის ნიშნად სანთლებს ანთებდნენ, თუმცა მალე მათ სხვებიც შეუერთდნენ. როგორც Reuters ერთ-ერთ ადგილობრივ მედიაზე დაყრდნობით წერს, მოგვიანებით მიტინგი ანტისამთავრობო ლოზუნგებში გადაიზარდა და რამდენიმე პირმა გენერალ ყასემ სოლეიმანის ფოტოები დაწვა და პრეზიდენტის გადადგომა მოითხოვა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს