ნაძალადევის რაიონში, ლოტკინის ხევის ქუჩაზე გზა კაპიტალურად შეკეთდა. პროექტის ფარგლებში, 223 გრძივ მეტრზე სანიაღვრე ქსელი მოეწყო, აშენდა გრუნტის დამჭერი კედლები და 2 863 კვ.მ ფართობზე გზის საფარი დაიგო - ქუჩის ძირითად ნაწილზე ბეტონი, გარკვეულ მონაკვეთზე კი ასფალტის გზა მოეწყო.

რეაბილიტირებული ქუჩა ნაძალადევის რაიონის გამგებელმა ირაკლი ხელაძემ თბილისის საკრებულოს მაჟორიტარ დეპუტატ დავით ჭელიძესთან ერთად დაათვალიერა.

„70-იანი წლების შემდეგ ლოტკინის ხევის ქუჩა კაპიტალურად არ შეკეთებულა. იყო ძველი მიწისქვეშა კომუნიკაციები და დაზიანებული გზის საფარი. ძალიან რთული რელიეფია, რის გამოც პროექტის დასრულება დროში გაიწელა. ქუჩის რეაბილიტაციის პროცესში, სამწუხაროდ, ორმა კომპანიამ ვალდებულებები ვერ შეასრულა, რამაც ასევე  გამოიწვია სამუშაო პროცესის გახანგრძლივება. გამგეობამ ამ კომპანიების მიმართ კანონის შესაბამისად იმოქმედა და ქუჩის რეაბილიტაცია უკვე სხვა კომპანიამ დაასრულა. მოსახლეობას რთულ პირობებში უწევდა გადაადგილება, თუმცა საბოლოო შედეგი ძალიან კარგი გვაქვს. ადგილობრივი მცხოვრებლები უკვე მთლიანად კეთილმოწყობილი გზით სარგებლობენ“, - აღნიშნა ირაკლი ხელაძემ.

გამგეობის მიერ გზის შეკეთების დაწყებამდე, კომპანია „ჯორჯიან უოთერ ენდ ფაუერმა“ წყალსადენის და წყალარინების მოძველებული ქსელები ახლით შეცვალა.

აღნიშნული პროექტის განხორციელებისთვის ნაძალადევის რაიონის გამგეობამ 245 624 ლარი დახარჯა.

ავტორი: NS (სტატია დაფინანსებულია),

სოციალური ქსელები

კოალიცია ცვლილებისთვის და სტრატეგია აღმაშენებელი იწყებენ კამპანიას - ემიგრანტის ხმა

კალაძე ადასტურებს, რომ რეჟიმი ტრადიციების დასაცავად საკანონმდებლო რეგულაციების გამკაცრებას გეგმავს

ეროვნული ბანკი აფრთხილებს, რომ ქვეყანაში ფინანსური პირამიდები გამოჩდნენ და ხალხის ფულს იზიდავენ

კუპრაძე ელისაშვილის წინააღმდეგ წაყენებულ ახალ ბრალდებებზე: ეს არ არის სამართლებრივი, არამედ პოლიტიკური სასამართლო პროცესია