საქართველოს კინო-თეატრებთან სამართალდამცველები არიან მობილიზებული.

პოლიციის მობილიზება მას შემდეგ გახდა საჭირო, რაც ფილმის „და ჩვენ ვიცეკვეთ“ პრემიერის დაანონსებას ძალადობრივი ჯგუფების მუქარა მოჰყვა.

ისინი აცხადებენ, რომ კინოთეატრების ბლოკირებას მოახდენენ, რათა ფილმის პრემიერა ჩაიშალოს.

პრემიერასთან დაკავშირებით შსს-მ რამდენიმე განცხადება გაავრცელა და მოქალაქეებს წესრიგის დაცვისკენ მოუწოდა. უწყებაში აცხადებენ, რომ წინააღმდეგ შემთხვევაში, პოლიცია საკუთარი მანდატის ფარგლებში იმოქმედებეს და სამართალდარღვევის თითოეულ ფაქტს აღკვეთს.

ამ დროისთვის კინოთეატრ ამირანთან, სადაც „ქართული მარშის“ წევრები და მათი თანამოაზრეები იკრიბებიან, ათობით პოლიციელია მობილიზებული. ამასთან, მიმდებარე ტერიტორიაზე რამდენიმე ავტობუსი დგას, სადაც პოლიციის დამატებითი ჯგუფები იმყოფებიან. ამასთან, სამართალდამცველებს ადგილზე მიტანილი აქვთ რეზინის ხელკეტები და სპეციალური აღჭურვილობა.

ავტორი: ექსპრესნიუსი,

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო