2015-07-17 11:48:09, 539 ნახვა
საზოგადოება
შსს-მ ხურვალეთის და წითელუბნის მიმართულებით გადაადგილება აკრძალა
„ჟურნალისტებს და კიდევ სხვა გულანთებულ ქართველებს უსაფრთხოების ზომებიდან გამომდინარე დროებით აეკრძალათ აღნიშნულ პერიმეტრზე მოძრაობა“,-ამის შესახებ „ექსპრესნიუსს“ შინაგან საქმეთა სამინისტროს საინფორმაციო-ანალიტიკური სამსახურის უფროსმა შალვა ენუქიძემ განუცხადა.
როგორც ენუქიძემ აღნიშნა, წითელუბანსა და ხურვალეთის ტერიტორიაზე ამ ეტაპზე მხოლოდ ადგილობრივ მოსახლეობას შეუძლია გადაადგილება.
„ადგილობრივ მოსახლეობას თავისუფლად შეუძლია გადაადგილება წითელუბანსა და ხურვალეთის ტერიტორიაზე. რაც შეეხება ჟურნალისტებს და გულანთებულ ქართველებს, უსაფრთხოების ზომებიდან გამომდინარე, გადავწყვიტეთ, რომ დროებით აღნიშნულ პერიმეტრზე გავაძლიეროთ პოლიციის კორდონი“,-განაცხადა შალვა ენუქიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
