ანტისაოკუპაციო მოძრაობის "ძალა ერთობაშია" ლიდერი დავით ქაცარავა აცხადებს, რომ საოკუპაციო ძალები ჩორჩანის ტყის ოკუპირებული ნაწილიდან გზის გაყვანას სოფელ ყობის მიმართულებით აგრძელებენ.

ქაცარავას ინფორმაციით, ქართული ტერიტორიის მიერ კონტროლირებადი სოფელი ყობი დღის ბოლომდე ახალი საოკუპაციო ხაზის მიღმა მოექცევა.

„რუს ოკუპანტებს გაჰყავთ მაღალი ხარისხის გზა. გაჭრილია დაახლოებით კილომეტრნახევრიანი გზის ახალი მონაკვეთი, რომელიც ჩორჩანის და წაღვლის ტყის შუაში მდებარეობს, აკავშირებს რუსულ საგუშაგოს ყობის მისადგომებთან მდებარე ტერიტორიულ ნაწილს. სავარაუდოდ, ახალი გზა შეურთდება წნელს ან შევა სოფელ ყობში - ამას ჩვენ დღის ბოლომდე გავიგებთ. თუ ამ ორი ვარაუდიდან გამართლდება ყობისკენ მიმავალი გზის სცენარი, მაშინ ჩვენ უნდა ველოდოთ არა მხოლოდ ყობის, არამედ დოლომიტის საბადოს წართმევას“, - აღნიშნა დავით ქაცარავამ.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა