"იმის ნაცვლად, რომ მთავრობას ანაკლიის პროექტისთვის მხარდაჭერა გამოეცხადებინა, რამდენიმე მიმართულებით მისი საბოტაჟი მოახდინა", - ამის შესახებ „ანაკლიის განვითარების კონსორციუმის” გენერალურმა დირექტორმა ლევან ახვლედიანმა დღეს გამართულ პრესკონფერენციაზე განაცხადა.

როგორც ახვლედიანმა აღნიშნა, მთავრობას ყველაფერი უნდა გაეკეთებინა, რათა პროექტი წარმატებით განხორციელებულიყო.

„სამწუხაროდ, რეალობა არის აბსოლუტურად საპირისპირო. მინდა დაგისახელოთ ორი კონკრეტული ფაქტი, რომელიც ბოლო 6 კვირის განმავლობაში მოხდა. სამეთვალყურეო საბჭოსთან ერთად ურთულეს ვითარებაში შევძელით დიდი ძალისხმევის შედეგად მოგვეძიებინა ორი ახალი ინვესტორი, რომელიც დაინტერესდა ამ პროექტით. ერთი იყო ყაზახურ-ჰონგკონგური ჯგუფი, მეორე კი ამერიკული ძალიან მსხვილი საინვესტიციო ჯგუფი. პირველ ინვესტორს მთავრობამ გაცნობითი შეხვედრაზე პირდაპირ უთხრა, რომ არ მიესალმებოდნენ მათ ინვესტიციას, რადგან დასავლური ქვეყნიდან არ იყვნენ. ჩვენშიც და ამ კომპანიაშიც ასეთმა დამოკიდებულებამ შეშფოთება გამოიწვია. რაც შეეხება ამერიკულ ფონდს, მათ მოითხოვეს მთავრობისგან წერილობითი განცხადება, რომ ხელისუფლებაში ამ ინვესტიციას მიესალმებიან. მთავრობა დაგვპირდა, რომ ასეთ წერილს ფონდს გაუგზავნიდა, მაგრამ წერილი ადრესატს არ მიუღია“, - განაცხადა ახვლედიანმა.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა