ე.წ. სამხრეთ ოსეთი BP-ის ბაქო-თბილისი-სუფსას ნავთობსადენის თაობაზე პირდაპირ მოლაპარაკებას სთავაზობს.

ამის შესახებ ინციდენტების პრევენციისა და მათზე რეაგირების მექანიზმის ფორმატში, ე.წ. სამხრეთ ოსეთის დელეგაციის ხელმძღვანელმა ხოხ გაგლოითიმ განაცხადა.

მისი თქმით, ახალი ბანერები ე.წ. რუსმა მესაზღვრეებმა ე.წ. სამხრეთ ოსეთის ტერიტორიაზე დაამონტაჟეს და საზღვრის არანაირი გადაწევა არ მომხდარა.

„სამხრეთ ოსეთის ტერიტორიაზე გამავალი ბაქო-სუფსას საერთაშორისო ნავთობსადენის მონაკვეთი მისი აშენების მომენტიდან უპრობლემოდ ფუნქციონირებს. თუ ნავთობსადენის ოპერატორ კომპანია BP-ს ნავთობსადენთან რაიმე კითხვები გააჩნია, მას შეუძლია პირდაპირ სამხრეთ ოსეთს მიმართოს და ჩვენ რა თქმა უნდა ყველაფერს გავაკეთებთ ნავთობსადენის უპრობლემოდ ფუნქციონირებისთვის“, - განაცხადა გაგლოითმა.

ცნობისთვის, 10 ივლისს, რუსეთის საოკუპაციო ძალების მიერ, გორის რაიონის სოფელ წითელუბნისა და ოკუპირებული ახალგორის რაიონის სოფელ ორჭოსანის მიმდებარე ტერიტორიაზე, თბილისი-გორის ცენტრალური ავტომაგისტრალის სიახლოვეს ე.წ. ,,საზღვრის“ აღმნიშვნელი ბანერები უკანონოდ იქნა აღმართული. ორივე ტერიტორიის სიახლოვეს ბაქო-სუფსას მილსადენის გარკვეული სეგმენტები მდებარეობს და განხორციელებული უკანონო ქმედებით სოფელ ორჭოსანის მიმდებარე ტერიტორიაზე ნავთობსადენის გარკვეული ნაწილი ოკუპირებულ ტერიტორიაზე მოექცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით