საქართველოს იუსტიციის სამინისტროს სსიპ „დანაშაულის პრევენციის ცენტრის" „ახალგაზრდული კლუბის" ბენეფიციარებს თბილისის „ასტრა პარკმა" უმასპინძლა.

15 აქტიური ბენეფიციარი დაესწო 7D ფილმის ჩვენებას, მონაწილეობა მიიღო კარტინგის რბოლაში და ითამაშა საკუთარი სურვილით შერჩეული, სხვადასხვა სახის გასართობი სათამაშო აპარატებით. „დამწყებ მრბოლელებს" შესაძლებლობა ჰქონდათ დაუფლებოდნენ მართვის უნარებსაც. „ახალგაზრდული კლუბი“ ამ კვირიდან წყვეტს საგანმანათლებლო ღონისძიებებს და სხვადასხვა ტრენინგის ჩატარებას ახალი სასწავლო წლიდან განაახლებს. კლუბის ბენეფიციარები არიან 11-დან 18  წლამდე ასაკის სოციალურად შეჭირვებული ოჯახის წევრები, მცირე საოჯახო ტიპის ბავშვთა სახლის აღსაზრდელები, ყოფილ პატიმართა ოჯახის წევრები და სხვა.

„იუსტიციის სამინისტროს დანაშაულის პრევენციის ცენტრთან თანამშრომლობა ჩვენთვის დიდი პატივია. მოხარულები ვართ, რომ გვაქვს შესაძლებლობა ბავშვები გავახალისოთ,  შევთავაზოთ  ჩვენი სერვისები და ამით,  კიდევ ერთი დღე გავულამაზოთ. როგორც თავად ბავშვები ამბობენ, „ასტრა პარკში“ მოსვლა მათთვის ნამდვილი ზეიმია.  ჩვენი თანამშრომლობა მომავალშიც  გაგრძელდება“, განაცხადა „ასტრა პარკის“ დირექტორმა თემურ ქავთარაძემ.

პროგრამას „ახალგაზრდული კლუბი“ ახორციელებს იუსტიციის სამინისტროს დანაშაულის პრევენციის ცენტრი და მისი მიზანია მოზარდებში დანაშაულის თავიდან არიდება, ჯანსაღი საზოგადოების ფორმირების ხელშეწყობა. პროგრამა მოზარდისადმი კეთილგანწყობილ სივრცეს ქმნის, რომელიც ეხმარება ბენეფიციარს თავისუფალი დრო ნაყოფიერად და საინტერესოდ გამოიყენოს. კლუბში ხორციელდება სხვადასხვა კულტურული თუ სპორტული აქტივობები, სამიზნე ჯგუფის საჭიროებებზე მორგებული ტრენინგები და საგანმანათლებლო სემინარები. „ახალგაზრდული კლუბი" თბილისში, მედიაციის სახლში ფუნქციონირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა