პროფესიული გამოცდილება და ეთიკა არ მაძლევს უფლებას, საჯარო პოლემიკაში შევიდე  საქართველოს პრეზიდენტთან და ამიტომ თავს შევიკავებ კომენტარისგან, - ასე გამოეხმაურა პრეზიდენტის ყოფილი პრესსპიკერი ხატია მოისწრაფიშვილი მის მიერ თანამდებობის დატოვებას.

მოისწრაფიშვილი იმედოვნებს, რომ მედია მის პოზიციას გაითვალისწინებს და „ინციდენტს ამოწურულად“ ჩათვლის.

„რამდენიმე დღეა, არ წყდება სატელეფონო ზარები ჩემი კოლეგებისგან. გასაგებია, რომ საკითხისადმი არსებობს ლეგიტიმური ინტერესი, მაგრამ მრავალწლიანი პროფესიული გამოცდილება და მოქალაქეობრივი ეთიკა არ მაძლევს უფლებას, საჯარო პოლემიკაში შევიდე პირდაპირი წესით არჩეულ საქართველოს პრეზიდენტთან და ამიტომ თავს შევიკავებ კომენტარისგან. იმედს გამოვთქვამ, რომ ქართული მედია გაითვალისწინებს ჩემს პოზიციას და ინციდენტს ამოწურულად ჩათვლის“, - წერს მოისწრაფიშვილი.

შეგახსენებთ, რომ რამდენიმე დღის წინ ხატია მოისწრაფიშვილმა პრეზიდენტის პრეს-სპიკერის თანამდებობა დატოვა. აღნიშნულთან დაკავშირებით პრეზიდენტის ადმინისტრაციამ დღეს განცხადება გაავრცელა, სადაც ნათქვამია, რომ მოისწრაფიშვილი გაათავისუფლეს და ამის მიზეზად უკვე ყოფილი პრესსპიკერის მიერ საჯარო სივრცეში გავრცელებული პირადი განცხადებაა მოყვანილი.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა