აქცია "სირცხვილიას" ერთ-ერთი ორგანიზატორი და სამოქალაქო აქტივისტი გიგა მაქარაშვილი აცხადებს, რომ მოქალაქეების პროტესტი, პრემიერ-მინისტრობის კანდიდატად გიორგი გახარიას წარდგენის შემდეგ, კიდევ უფრო ხმამაღალი გახდება. 

როგორც მაქარაშვილმა აღნიშნა, აქციები გაგრძელდება და მათში მონაწილეობას ძალიან ბევრი ადამიანი მიიღებს. 

"ჩვენ ვასრულებთ სიტყვას და სექტემბრის დადგომასთან ერთად კიდევ უფრო ავწიეთ ტემპერატურა. კიდევ უფრო ხმამაღალი გახდება ჩვენი პროტესტი, მითუმეტეს იმ ყველაფრის მერე რა რეალობაშიც ჩაგვაგდო ბიძინა ივანიშვილმა ამ გადაწყვეტილებით. გვყავს პრემიერობის ახალი კანდიდატი მის მიერ წარდგენილი. ჩვენ მივეჩვიეთ იმას, რომ ივანიშვილი ვისაც წარადგენს ერთხმად ემორჩილება მისი უმრავლესობა და არც არსებობს იქ განსხვავებული აზრი, რადგან ასე არიან ნაყიდები. ვიცით, რომ ამ კვირაში აპირებენ ახალი მთავრობის დაკომპლექტებას, ღარიბაშვილის მოყვანას, პრემიერად გახარიას დასვამს, გომელაურს დააბრუნებენ, ბუნებრივია ამას მოყვება კიდევ უფრო აგრესიული პროტესტი, მაგრამ ჩვენ კანონს არ დავარღვევთ. პარლამენტთან სამივე შესასვლელთან გვაქვს სირცხვილის კორიდორი მოწყობილი. დისკომფორტს შევუქმნით ამ ხელისუფლებას. ყველგან მივალთ, ყოველდღიურად ადამიანების რაოდენობა გაიზრდება და 20 სექტემბერს, როდესაც გვაქვს "ქუდზე კაცი" გამოცხადებული ვიტყვით, რომ ამ მთავრობას ლეგიტიმაცია დაკარგული აქვს და მალე უნდა წავიდეს", - განაცხადა აქტივისტმა "ტვ პირველის" ეთერში. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს