„ერთიანი ნაციონალური მოძრაობის“ წევრი ზურაბ მელიქიშვილის განცხადებით, პარლამენტში რეგლამენტის ცვლილება კვორუმის პრობლემამ გამოიწვია.

როგორც მან პლენარულ სხდომაზე განაცხადა, იმისათვის რომ კვორუმი შედგეს, ამაზე პასუხისმგებლობა საპარლამენტო უმრავლესობას ეკისრება.

შესაბამისად, მელიქიშვილი მიიჩნევს, რომ წესები საპარლამენტო უმრავლესობის წევრებისთვის უნდა გამკაცრდეს.

„ეს  საკითხი დაიწყო მაშინ, როდესაც კვორუმთან დაკავშირებით გაჩნდა უკმაყოფილება  და პარლამენტის თავჯდომარისგან იყო დავალება, რომ მივიღოთ ისეთი მექანიზმები, რომელიც უზრუნველყოფს დეპუტატების სიარულს. არ აქვს მნიშვნელობა ოპოზიციაა, თუ  უმრავლესობა, ყველას  სასესიო და  საკომიტეტო კვირაშიც, ამათუ იმ რაიონში შეხვედრა უწევს. ამასთან დაკავშრებით ძალიან დიდია მოთხოვნა.  განსხვავებით ჩვენგან, თქვენ გაქვთ პასუხისმგებლობა, რომ კვორუმი უნდა არსებობდეს. ეს ყველაფერი პოლიტიკური საქმიანობის შეზღუდვაზე არ უნდა გადადიოდეს.  ოჯახურ მდოგმარეობას ეწერება ყველაფერი. მართლა ვინც ოჯახური მდგომარეობის გამო ვერ მოვა, ამ ჭრილში გაგვყავს მისი მდგომარეობა. ხომ არ ფიქრობთ, რომ გარკვეული ნორმები უმრავლესობის შიგნით უნდა გამკაცრდეს და არა მთლიანად პარლამენტში?! ეს ყველა ქვენაში ასეა მიღებული. ძალიან ცუდად ჩანს, რომ რაღაცას ვერ აკეთებ და სხვას აბრალებ. დეპუტატებს სხვა მიდგომა უნდა და არა იმით შეაშინო, რომ ოჯახურ მდგომარეობა საპატიოში არ ჩაეთვლება.  სულ სხვა მეთოდს მოიფიქრებენ“, – აღნიშნა მელიქიშვილმა.

ამის საპასუხოდ, საპროცედურო საკითხთა და წესების კომიტეტის თავჯდომარე გიორგი კახიანმა განაცხადა, რომ რეგლამენტში ცვლილება კვორუმის პრობლემის გამო არ შედის და გაცდენები უმეტესად  საპარლამენტო უმცირესობის წევრების მხრიდან ფიქსირდება.

ცნობისთვის, პარლამენტში  „საქართველოს პარლამენტის რეგლამენტში ცვლილების შეტანის შესახებ“ პროექტს განიხილავენ.

ცვლილების თანახმად, დეპუტატებს საკომიტეტო და პლენარული სხდომების გაცდენა „ოჯახური მდოგმარეობის“ მიზეზით, საპატიოდ აღარ ჩაეთვლებათ.

ამასთან, დეპუტატებს, რომლებიც პლენარულ სხდომას ავადმყოფობის გამო გააცდენენ, მათ ექიმის ცნობის წარდგენა მოუწევთ.

გარდა ამისა, პროექტის მიხედვით,  პარლამენტის წევრის სამსახურებრივი მივლინებაში ყოფნის ფაქტი, პარლამენტის წევრის მივლინების შესახებ უფლებამოსილი პირის ადმინისტრაციულ–სამართლებრივი აქტით უნდა დასტურდებოდეს, რომელიც გამოცემის თანავე მანდატურის სამსახურს უნდა გადაეცეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით

500 Global in Eurasia-ს მეათე ნაკადის დემო დღე 25 ივნისს გაიმართება

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს