დიდ დიღომში, მირიანაშვილისა და სვანიშვილის ქუჩებზე საგზაო სამუშაოები მიმდინარეობს.

სვანიშვილის ქუჩაზე ამ დროისთვის, ასფალტის პირველი ფენა იგება. საგზაო ინფრასტრუქტურა ჯამში, 7 674 კვ.მ  ფართობზე მოწესრიგდება და ასფალტის ორფენიანი საფარი დაიგება.

რაც შეეხება, მირიანაშვილის ქუჩას, აღნიშნულ ტერიტორიაზე ამ ეტაპზე, ასფალტის საფარის დასაგებად, გზის საფუძვლის მომზადება მიმდინარეობს. საგზაო სამუშაოების ფარგლებში, 4 187 კვადრატული მეტრი ფართობი მოწესრიგდება. 

მიმდინარე სამუშაოებს საბურთალოს რაიონის გამგებელი გაიოზ ვასაძე და საკრებულოს მაჟორიტარი დეპუტატი ავთანდილ ცინცაძე გაეცნენ.

„ეს არის საუნივერსიტეტო დასახლება, სადაც ასფალტის საფარი ამ დრომდე არ არსებობდა და ძალიან მძიმე მდგომარეობა იყო. ჩვენთვის ასეთი ქუჩების მოწესრიგება ძალიან მნიშვნელოვანი და პრიორიტეტულია. მიმდინარე წელს, დიდ დიღომში რამდენიმე მასშტაბური პროექტი ხორციელდება. გზებს მომავალშიც ეტაპობრივად მოვაწესრიგებთ, რათა კერძო დასახლების მოსახლეობას უკეთესი პირობები შევუქმნათ“, - განაცხადა გაიოზ ვასაძემ.

საგზაო სამუშაოებს გამგეობის დაკვეთით, კომპანია „ცეკური“ ახორციელებს. პროექტის განსახორციელებლად, 1 137 248 ლარი დაიხარჯება.

(NS)

ავტორი: ექსპრესნიუსი,

სოციალური ქსელები

ბოჭორიშვილი: ნაურუს მიერ მიღებული გადაწყვეტილება აფხაზეთისა და სამხრეთ ოსეთთან დიპლომატიური ურთიერთობების გაწყვეტის შესახებ, საქართველოს არაღიარების პოლიტიკის მნიშვნელოვანი გამარჯვებაა

საქართველოს ბანკის ფინანსური განათლების ეკოსისტემა - ინიციატივა, რომელიც ფინანსურ განათლებას ყველა თაობისთვის ხელმისაწვდომს ხდის

დუროვმა რუსეთში ტერორიზმის ხელშეწყობაში ბრალს ფოტოთი უპასუხა

ბერძენიშვილი: საზოგადოებრივი მაუწყებლის თანამშრომლებს არ აქვთ უფლება, სოციალურ მედიაში საკუთარი აზრი გამოხატონ