2019-08-10 15:55:48, 6889 ნახვა
სამართალი
პროკურატურამ სასამართლოს ნიკა გვარამიას საქმეზე აღკვეთის ღონისძიების შეფარდების შუამდგომლობით მიმართა
საქართველოს გენერალურმა პროკურატურამ "რუსთავი 2"-ის ყოფილი გენერალური დირექტორის, ნიკა გვარამიას საქმეზე თბილისის საქალაქო სასამართლოს აღკვეთის ღონისძიების შეფარდების შუამდგომლობით მიმართა.
ამის შესახებ "ექსპრესნიუსს" პროკურატურის პრესსამსახურში განუცხადეს.
გვარამიას სასამართლო სხდომა დღეს 20:00 საათზეა ჩანიშნული.
შეგახსენებთ, ნიკა გვარამიას პროკურატურა სსკ-ის 220-ე მუხლით გათვალისწინებულ დანაშაულს ედავება (საწარმოში ხელმძღვანელობითი და წარმომადგენლობითი უფლებამოსილების გამოყენება ამ ორგანიზაციის კანონიერი ინტერესის საწინააღმდეგოდ, სხვისთვის გამორჩენის მიღების მიზნით, რამაც მნიშვნელოვანი ზიანი გამოიწვია).
ავტორი: ექსპრესნიუსი,
epn.ge (@expressnews.ge)
