მოლდოვის პრემიერ-მინისტრ მაია სანდუს საქართველოს ყოფილი პრეზიდენტის მიხეილ სააკაშვილის ქვეყანაში რეფორმების გატარების პროცესში ჩართვა სურს, - ამის შესახებ ახალმა პრემიერმა cotidianul-თან ინტერვიუში განაცხადა. 

მისივე თქმით, სააკაშვილი მათ მოლდოვის იუსტიციისა და პროკურატურის სისტემაში რეფორმების გატარებით კუთხით კვალიფიციურ რჩევებს მისცემს. როგორც სანდუსმა განაცხადა, სააკაშვილთან შესაბამის საკითხზე საუბარი სავარაუდოდ აგვისტოს თვეში შედგენა. 

„ვაწარმოებთ მოლაპარაკებებს სააკაშვილის მმართველობის პერიოდის სპეციალისტებთან. ჩვენ ვამუშავებთ იუსტიციის სისტემის რეფორმირების პროექტებს. ბატონი სააკაშვილი ახლა მონაწილეობს წინასაარჩევნო კამპანიაში უკრაინაში და ძალიან დაკავებულია, მაგრამ აგვისტოს ბოლომდე ჩვენ გვექნება საუბარი ამ თემაზე“, - განაცხადა მაია სანდუმ. 

ამასთან, სანდუმ განმარტა, რომ სააკაშვილის გუნდის მისაწვევად ამ ეტაპზე ქვეყნის ბიუჯეტში საკმარისი სახსრები არ არის. პრემიერმა დასძინა, რომ კონსულტანტის სახით სააკაშვილის დაქირავება მხოლოდ უცხოეთიდან ფინანსური დახმარების მიღების შემთხვევაში იქნება შესაძლებელი.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა