2019-06-27 15:50:36, 2634 ნახვა
სამართალი
ნიკა მელიას 27 დეპუტატი თავდებში უდგება
"ნაციონალური მოძრაობის" წევრ ნიკა მელიას 27 დეპუტატი თავდებში უდგება, - ამის შესახებ მელიას ადვოკატმა გიორგი კონდახაშვილი განაცხადა.
როგორც ადვოკატმა აღნიშნა, 10 000-ლარიანი გირაოს გარდა, მან დააყენა შუამდგომლობა ალტერნატივის სახით სხვა შეზღუდვების დაწესებაზეც, მათ შორის აუცილებლობის შემთხვევაში, პასპორტის ჩამორთმევაზე.
ცნობისთვის, სასამართლო პროცესზე შესვენება გამოცხადდა და მოსამართლე სათათბიროდ გავიდა. აღსანიშნავია, რომ ბრალდების მხარე ნიკა მელიასთვის აღკვეთის ღონისძიების სახით პატიმრობას ითხოვს. პროკურორის განმარტებით არსებობს საშიშროება, რომ ნიკა მელია მოწმეებზე ზემოქმედებას განახორციელებს ან ქვეყნიდან გაქცევას ეცდება.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
