ტრაპიზონში ავტოსაგზაო შემთხვევის შედეგად საქართველოს 2 მოქალაქე დაიღუპა, ერთი კი, მძიმედ დაშავდა, - ამის შესახებ ინფორმაცია "ექსპრესნიუსს" აჭარის ჯანდაცვის სამინისტროშ დაუდასტურეს.

არსებული ინფომრაციით, გარდაცვლილები ერთი ოჯახის წევრები არიან. ავტოსაგზაო შემთხვევის დროს, სულ ავტომობილში 4 ადამიანი იმყოფებოდა, მათგან ერთს საავადმყოფოში გადაყვანა არ დასჭირდა. დაღუპულების ცხედრები პროზექტურაშია გადასვენებული. ისინი ხულოს მუნიციპალიტეტის მკვიდრები იყვნენ. 

"ღამით, 03:45 საათზე, ავტობანის ფაზარის მონაკვეთზე (120 კმ. ტრაპიზონიდან), მოხდა ავტოსაგზაო შემთხვევა, რის შედეგად, გარდაიცვალა საქართველოს ორი მოქალაქე: ერთი მოქალაქე არის მძიმე მდგომარეობაში რიზეს კლინიკაში. პირველი ცხედარი დასვენებულია რიზეს ერდოღანის სახელობის კლინიკის პროზექტურაში, ხოლო მეორე - დაბა ფაზარის პროზექტურაში", - ნათქვამია ინფორციაში. 

"ექსპრესნიუსი" საგარეო საქმეთა სამინისტროსაც დაუკავშირდა, სადაც განგვიცხადეს, რომ აქართველოს მოქალაქეების გარდაცვალების შესახებ ტრაპზონში საქართველოს საკონსულო ინფორმირებულია.

"გარდაცვლილთა გადმოსვენებაზე მუშაობს საგარეო საქმეთა სამინისტროს საკონსულო დეპარტამენტი აჭარის ჯანდაცვის სამინისტროსთან ერთად. დაშავებულები გადიან მკურნალობის კურსს. ადგილზე იმყოფებიან ტრაპზონში საქართველოს გენერალური საკონსულოს წარმომადგენლები", - აცხადებენ საგარეო უწყებაში. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა

ჯანმო- ევროპაში უკიდურესი სიცხის გამო ერთ კვირაში 1300-ზე მეტი ადამიანი დაიღუპა

გვარამია: ხოშტარიას საკითხზე ველოდებით ადეკვატურ გადაწყვეტილებას, წინააღმდეგ შემთხვევაში საპასუხო რეაგირება გვექნება

ევროპულმა სასამართლომ 5 სამოქალაქო ორგანიზაციის დაყადაღების საქმეზე არსებითი განხილვა დაიწყო