საქართველოში სახელმწიფო ვიზიტით თურქმენეთის პრეზიდენტი გურბანგული ბერდიმუჰამედოვი ჩამოვიდა.

ბერდიმუჰემედოვს თბილისის საერთაშორისო აეროპორტში საგარეო საქმეთა მინისტრი თამარ ბერუჩაშვილი, ვიცე-პრემიერი, ეკონომიკისა და მდგრადი განვითარების მინისტრი გიორგი კვირიკაშვილი, პრეზიდენტის ადმინისტრაციის უფროსი დავით პატარაია და  პრეზიდენტის მრჩევლები გიორგი აბაშიშვილი და თენგიზ ფხალაძე დახვდნენ.

ვიზიტის ფარგლებში თურქმენეთის პრეზიდენტი ქართველ კოლეგას  ჯერ პირისპირ, შემდეგ კი, გაფართოებული შემადგენლობით შეხვდება. დაგეგმილია ერთობლივ დოკუმენტზე ხელმოწერაც.  ხელმოწერის ცერემონიის შემდეგ, საქართველოსა და  თურქმენეთის პრეზიდენტები  პრესისათვის განცხადებებს გააკეთებენ. თურქმენეთის პრეზიდენტი გმირთა მოედანზეც გაემგზავრება, სადაც საქართველოს ერთიანობისათვის დაღუპულ გმირთა მემორიალს გვირგვინით შემკობს.

 ამასთან, გურბანგული ბერდიმუჰამედოვისთვის საპატიო აკადემიკოსის წოდების მინიჭებაც იგეგმება.

თურქმენეთის პრეზიდენტი საქართველოს 3 ივნისს დატოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს