"ევროპული საქართველოს" წევრი ოთარ კახიძე ვენეციის კომისიის მიერ მომზადებულ რეკომენდაციებს, რომელიც უზენაეს სასამართლოში მოსამართლეების შერჩევას უკავშირდება, დადებითად აფასებს. 

კახიძე მიიჩნევს, რომ კომისიის რეკომენდაციებმა საპარლამენტო უმრავლესობის მიერ მომზადებული კანონპროექტი "ქართულ ოცნებას" "თავზე გადაახიეს".

"ახლა უკვე გასაგებია, რატომ ჩაატარა იურიდიულმა კომიტეტმა მეორე მოსმენა ვენეციის კომისიის დასკვნამდე. ვენეციის კომისიამ ხელისუფლებას უთხრა, რომ:

1. იუსტიციის უმაღლეს საბჭოს არ აქვს საზოგადოების ნდობა და საქართველოს მოქმედმა პარლამენტმა არ უნდა დააკომპლექტოს სრულად უზენაესი სასამართლო.

შესაბამისად, მოსამართლეთა მინიმუმ ნახევარი შემდეგმა პარლამენტმა უნდა გაანწესოს უზენაეს სასამართლოში;

2. საბჭომ სია კი არ უნდა გადმოუგდოს პარლამენტს კულუარული შეთანხმების საფუძველზე და ფარული კენჭისყრით, არამედ ქულებით უნდა შეაფასონ კანდიდატები და წარდგენის გადაწყვეტილება დაასაბუთონ;

3. საბჭოს მიერ ჩატარებული დისკრედიტირებული საკვალიფიკაციო გამოცდა არ უნდა იყოს კონკურსში მონაწილეობისთვის აუცილებელი კრიტერიუმი;

4. საბჭოს წევრები, რომლებსაც თან მოსამართლეობა უნდათ, არ უნდა მონაწილეობდნენ კანდიდატთა შერჩევის პროცესში ინტერესთა კონფლიქტის გამო.

ამას ქვია კანონპროექტის თავზე გადახევა. ახლა ველოდები "ქართული ოცნებისგან", როგორ გახდება ვენეციის კომისია პოლიტიკურად მოტივირებული, ოპოზიციურად განწყობილი, ძირის გამომთხრელი და შეცდომაში შეყვანილი", - წერს კახიძე Facebook-ზე. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს