„არა სიძულვილს“ – საქალაქო სასამართლოსთან უფლებადამცველ, ვიტალი საფაროვის ოჯახის მხარდასაჭერად აქცია გაიმართეს.

აქციაზე იმყოფებოდა  ვიტალი საფაროვის და, ლიკა საფაროვა. ის დამნაშავეების კანონის სრული სიმკაცრით დასჯას ითხოვს.

„ჩვენ ვითხოვთ, რომ არ იყოს სიძულვილი საქართველოში და ასეთი მსხვერპლი, როგორც დაემართა ჩემს ძმას, აღარ იყოს აქ. მინდა, რომ დაისაჯონ აბსოლუტურად ყველა, ვინც მიიღო მონაწილეობა ყველაზე ძლიერი მუხლით“, - განაცხადა ლიკა საფაროვმა.

აქციის მონაწილეები საფაროვის ოჯახის წევრებს სოლიდარობას უცხადებენ და ქსენოფობიას ემიჯნებიან.

შეგახსენებთ, 25 წლის უფლებადამცველი ვიტალი საფაროვი თბილისში, 30 სექტემბერს მოკლეს. საფაროვი არასამთავრობო ორგანიზაცია „ჩართულობის და განვითარების ცენტრში“ მუშაობდა. იგი, მრავალი წლის განმავლობაში აქტიურად იყო ჩართული მოზარდების ტოლერანტულ ბანაკებსა და სხვა პროექტებში, რასიზმის, ქსენოფობიისა და დისკრიმინაციის წინააღმდეგ. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ივანიშვილის რეჟიმი ტუტუშკების მორალის პოლიციას აყალიბებს, რომლებიც მოქალაქეებს ღიად გაუსწორდება

რეჟიმის შსს ადასტურებს აქცის 10 მონაწილის დაკავებას ბანერების გამო

ბანერების გამო საპროტესტო აქციის მონაწილეები დააკავეს, პოლიციამ მომიტინგეებს სცემა

ბანერის ჭერის გამო თორნიკე თოშხუა წვრილმანი ხულიგნობის მუხლით დააკავეს