პარლამენტის პლენარული სხდომა ხმაურით დაიწყო.

პლენარული სხდომის დაგვიანებით დაწყება „ევროპული საქართველოს“ წევრმა აკაკი ბობოხიძემ სხდომის გახსნისთანავე გააპროტესტა.

ბობოხიძის თქმით, 12:00 საათზე სხდომათა დარბაზში იმყოფებოდა, თუმცა რადგან სხდომა გადავადდა, დარბაზიდან გავიდა, უკან დაბრუნებულს კი დეპუტატთა რეგისტრაციის პროცესი დასრულებული დახვდა, რის გამოც რეგისტრაცია ვეღარ გაიარა.

„ბატონი ირაკლი, ხედავთ, რომ აქ ვარ. რეგისტრაცია რომ დაიწყეთ, მაინც და მაინც მაშინ აღმოვჩნდი გასული და კაცი, რომელიც მოვედი 12-ს რომ 10 წუთი აკლდა, სინამდვილეში დამრღვევი გამოვდივარ. დაბეჯითებით გთხოვთ, რეგისტრაცია დაიწყოს იმ დროს, რა დროსაც დავთქვამთ. ისე გამოდის ეს ყველაფერი, რომ დარბაზში ვზივართ უსაქმურები და საქმიანები ვერ იცლით მოსასვლელათ“, -მიმართა აკაკი ბობოხიძემ  ირაკლი  კობახიძეს.

საპასუხოდ, პარლმანტის თავმჯდომარემ უპასუხა, რომ სესია დაგვიანებით იმის გამო დაიწყო, რომ ბიუროს სხდომა ჩაინიშნა.

„დამრღვევი კი არ გამოდიხართ, დაარღვიეთ რეგლამენტი, რადგან არ გაიარეთ რეგლამენტი სათანადო დროს. არ შეიძლება ყველა სხდომა ასეთი გამოხდომებით დაიწყოთ, ბატონო აკაკი, თქვენი ვალია, მთელი დღე სამუშაო რეჟიმში იყოთ. თქვენ დაარღვიეთ თქვენი ვალდებულება, როდესაც რეგისტრაცია არ გაიარეთ. დამშვიდდით ბატონო აკაკი, ხმას დაუწიეთ. ბატონო აკაკი, არ გიხდებათ ასეთი ქცევა, გთხოვთ კოლეგებს დაუთმოთ სიტყვა. თქვენი საქციელი მოსაწონი არ არის. კოლეგებო, გთხოვთ არ შეხვიდეთ პოლემიკაში ბატონ აკაკისთან. ეს არის პროვოკაცია. ნუ წამოვეგებით ამ პროვოკაციას. ბატონი აკაკი, ახალგაზრდები გიყურებენ, არ გიხდებათ ასეთი საქციელი“, - აღნიშნა კობახიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს