პარლამენტის ადამიანის უფლებათა დაცვის კომიტეტის თავმჯდომარისოფო კილაძის განცხადებით, სექსობრივი აღზრდის გაკვეთილები მშობლის თანხმობის და ოჯახის მოთხოვნის შემთხვევაში იქნება დასაშვები. 

როგორც კილაძემ კომიტეტის სხდომაზე განმარტა,  სასულიერო პირებს უფლება ექნებათ, ჩაერთონ და კონსულტაციები გაიარონ ამ საკითხებზე. 

დეპუტატის თქმით, ტყუილია, თითქოს კოდექსით "გარყვნილებას აკანონებენ".  აღსანიშნავია, რომ სხდომას მართლმადიდებელი სასულიერო პირებიც ესწრებიან.  

"ვიწრო ჯგუფის მიერ საზოგადოებისთვის და ასევე ეკლესიის ნაწილისთვის ძალიან არასწორად მოხდა მიწოდება ამ კოდექსის ძირითადი იდეის. თითქოს ჩვენ ბავშვებს ვართმევდეთ ოჯახებს, თითქოს ჩვენ ჩვენს ხალხს სახლებში ვუვარდებოდეთ, ვაკანონებდეთ გარყვნილებას, ვაკანონებდეთ და შემოგვქონდეს რაღაცა სექსუალური აღზრდის გაკვეთილები და ვაზარებდეთ ჩვენს ბავშვებს საკუთარ სამშობლოს, ენასა და ტრადიციებს. სინამდვილეში ყველაფერი პირიქით არის, ჩემო მეგობრებო. მე ძალიან ვამაყობ იმით, რომ ამ კოდექსით საქართველოში ჩვენს კანონმდებლობაში პირველად შემოგვაქვს სიტყვა "სამშობლო" და ის, რომ ჩვენ, ჩვენი ბავშვები ჩვენი სამშობლოს მისი ენის, კულტურული ტრადიციების და ფასეულობების სიყვარულით უნდა აღვზარდოთ. ჩვენ პირველად შემოგვაქვს კანონმდებლობაში ის, რომ ჩვენი შვილები მაღალი ზნეობრივი ღირებულებებით უნდა აღვზარდოთ. ასევე, სქესობრივი აღზრდის გაკვეთილი დასაშვები იქნება, მხოლოდ და მხოლოდ, მშობლის თანხმობით", - განაცხადა სოფო კილაძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს

თბილისი შეაფასებს ქალაქის მცხეთასთან,რუსთავისთან და აეროპორტთან რკინიგზით დაკავშირების შესაძლებლობას