ბათუმში მიმდინარე საერთაშორისო კონფერენციის ფარგლებში საქართველოს თავდაცვის მინისტრი თინა ხიდაშელი ლატვიის რესპუბლიკის პარლამენტის ვიცე-სპიკერს შეხვდა. 

თავდაცვის სამინისტროს ინფორმაციით, თინათინ ხიდაშელმა ინესე ლიბინა-ეგნერეს მადლობა გადაუხადა იმ თანადგომისთვის, რომელსაც ლატვია საქართველოს მიმართ გამოხატავს. 

უწყების ცნობით, ორმხრივ შეხვედრაზე საქართველოში არსებულ მდგომარეობაზე ისაუბრეს.
 ლატვიელმა სტუმარმა იმ საპარლამენტო ფორმატების მნიშვნელობაზე გაამახვილა ყურადღება, რომელშიც საქართველო საერთაშორისო დონეზე მონაწილეობს.

საქართველოს თავდაცვის მინისტრმა ხაზგასმით აღნიშნა ბალტიისპირეთის ქვეყნების მხარდაჭერის მნიშვნელობა.

„ვფიქრობ, ასეთი ტიპის ორმხრივი შეხვედრები კონფერენციების ფარგლებში ძალიან მნიშვნელოვანია. ბევრი ინიციატივაა იმისათვის, რომ უფრო ეფექტური, სისტემური ხასიათის და რეგულარული იყოს ჩვენი მეგობარი ბალტიისპირეთის ქვეყნების მხარდაჭერა ქართული სახელმწიფო ინტერესების მიმართ საერთაშორისო ფორმატებში. ამ შეხვედრის შედეგებს მალე ვნახავთ. ეს არის გაგრძელება შეხვედრების იმ სერიისა, რომელსაც ჩვენ ვმართავდით საპარლამენტო ფორმატებში. ქალბატონი ვიცე-სპიკერი ჩვენი ქვეყნის დიდი ხნის მეგობარია. ის სტრასბურგში მუდმივად იცავს საქართველოს ინტერესებს. დარწმუნებული ვარ, ასევე იქნება ნატოს საპარლამენტო ასამბლეასთან ურთიერთობაში და მათ საკუთარ ფორმატებში, რომელიც ბალტიისპირეთისა და სკანდინავიის ქვეყნებს აქვთ“- განაცხადა თინათინ ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს