ჩემი მთავრობის სტრატეგიაა, საქართველო რეგიონის ცენტრად აქციოს ბიზნესის, ვაჭრობის, ფინანსების, ლოგისტიკის, ტურიზმისა და განათლების სფეროში,- ამის შესახებ საქართველოს პრემიერ-მინისტრმა მამუკა ბახტაძემ “დოიჩე ველესთან” ინტერვიუში განაცხადა.

როგორც „ექსპრესნიუსს“ პრემიერის ადმინისტრაციიდან აცნობეს, საქართველოს მთავრობის მეთაურმა წამყვანი გერმანული მედიასაშუალების კითხვებს დავოსის მსოფლიო ეკონომიკურ ფორუმზე ვიზიტის ფარგლებში უპასუხა.

მამუკა ბახტაძემ ყურადღება გაამახვილა საქართველოს როლზე, როგორც ევროპისა და აზიის დამაკავშირებელ უმოკლეს მარშრუტზე და აღნიშნა, რომ ქვეყანაში ინვესტირებით სულ უფრო მეტი კომპანია ინტერესდება.

"რუკას თუ შეხედავთ, საქართველო ბუნებრივად არის რეგიონის ცენტრად ქცევის კანდიდატი. ზღვაზე გასასვლელის არმქონე 8 ქვეყნისთვის ჩვენ კარიბჭეს წარმოვადგენთ. ამიტომ, ჩემი მთავრობის სტრატეგიაა საქართველო რეგიონის ცენტრად აქციოს ბიზნესის, ვაჭრობის, ფინანსების, ლოგისტიკის, ტურიზმისა და განათლების სფეროში. ჩვენ ვცდილობთ, ძალიან კრეატიული რეფორმები განვახორციელოთ, რათა მეტი ინვესტიციები მოვიზიდოთ საქართველოში. საკუთარ ქვეყანას აზიიდან ევროპაში ხიდად მივიჩნევთ, რადგან უმოკლესი გზა ვართ. გვინდა ხელი შევუწყოთ მზარდ სავაჭრო ტვირთბრუნვას აზიასა და ევროპას შორის. ამ მიზეზით ვახორციელებთ დიდი მოცულობის ინვესტიციებს ჩვენს ინფრასტრუქტურაში და ძალიან მახარებს დავოსში იმის ნახვა, რომ სულ უფრო მეტი კომპანიაა დაინტერესებული საქართველოში კაპიტალდაბანდებით, ამ ძალიან მნიშვნელოვან პროგრამებსა და პროექტებში მონაწილეობით“, - განაცხადა მამუკა ბახტაძემ.

ავტორი: ,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით