პარლამენტის თავმჯდომარის ირაკლი კობახიძის განცხადებით, საკანონმდებლო ორგანოში საკონსტიტუციო უმრავლესობას აღარ აქვს პრინციპული მნიშვნელობა.

როგორც კობახიძემ აღნიშნა, მმართველ პარტიაში გადაადგილებები ნებისმიერ დროს შეიძლება მოხდეს. ამასთან, კობახიძის მტკიცებით, გუნდის სურს, რომ ბოლომდე ერთიანობა შეინარჩუნოს, თუმცა დასძინა, რომ გუნდის ნაწილი ის იქნება, ვინც გუნდურად თამაშობს.

"საკონსტიტუციო უმრავლესობას, ზოგადად, აღარ აქვს პრინციპული მნიშვნელობა, რა თქმა უნდა, ჩვენთვის და ზოგადად. აქედან გამომდინარე, გუნდთან დაკავშირებით, ზოგადად, შემიძლია გითხრათ, რომ გუნდი არის მყარი. რაც შეეხება მცირე გადაადგილებებს, როგორიც მოხდა, მაგალითად, დღეს იურიდიული კომიტეტის შემთხვევაში, ასეთი მცირე გადაადგილებები შეიძლება ნებისმიერ დროს მოხდეს. გუნდი არის ძლიერი, ჰყავს ძლიერი მენეჯმენტი და შესაბამისად, უზრუნველყოფილი იქნება ის, რომ ჩვენ ასეთივე რეჟიმში გავაგრძელებთ მუშაობას და მოვემზადებით 2020 წლის საპარლამენტო არჩევნებისთვის. რაც შეეხება საკონსტიტუციო უმრავლესობას, არ არის ჩვენთვის პრინციპული, გამომდინარე იქიდან, რომ კონსტიტუციაში ცვლილებები არ არის შესატანი. მიღებულია და გამოვიარეთ მნიშვნელოვანი პროცესი. ჩვენი სურვილია, რომ მაქსიმალურად შევინარჩუნოთ გუნდის ერთიანობა. ვნახოთ", - აღნიშნა ირაკლი კობახიძემ.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს